११ माघ २०७९, बुधबार

काठमाडौं । मंगलबार काठमाडौंको नयाँ वानेश्वरमा आत्मदह प्रयास गर्ने ३७ वर्षीय प्रेमप्रसाद आचार्यको निधन भएको छ ।

आचार्यले मंगलबार संघीय संसद् भवन नयाँ बानेश्वर अगाडि पेट्रोल छर्किएर आफैमाथि आगो लगाएका थिए ।

आगो सल्किएपछि गम्भीर घाइते भएका उनको कीर्तिपुरस्थित बर्न अस्पतालमा उपचार भइरहेको थियो । तर उनको आज बिहान उपचारकै क्रममा निधन भएको अस्पतालले जनाएको छ ।

आचार्यको करिब ८० प्रतिशत शरीर जलेको बताइएको थियो । इलामको सूर्योदय नगरपालिकाका उनी आफू हरेक क्षेत्रबाट निराश भएको बताएका थिए ।

आत्मदहको निर्णय अघि उनले निकै लामो निरासाको स्टाटस लेखेको थिए ।

यो पनि

आत्मदाहको प्रयास गर्ने प्रेमको स्टाटसः ‘रवीन्द्र मिश्रजी तपाईहरुलाई मेरो आत्मले छोड्ने छैन, अलबिदा !’

LIVE TV