१ मंसिर २०७९, बिहीबार

काठमाडौं । पछिललो समय नेपालमा कोरोना संक्रमितहरुको संख्या फेरि बढ्न थालेका छन् । पछिल्लो २४ घण्टामा मुलुकभर एकै दिन थप ५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ हजार २५२ जनाको आरटी पीसीआर र एन्टिजेन विधिबाट परीक्षण गर्दा थप ५ जनामा कोरोना संक्रमण पुष्टि भएको हो ।

मन्त्रालयका अनुसार ७ सय ७ जनाको पीसीआर विधिबाट परीक्षण गर्दा ४ जनामा कोरोना पुष्टि भएको छ । त्यस्तै ५ सय ४५ जनाको एन्टिजेन विधिबाट परीक्षण गर्दा १ जनामा कोरोना देखिएको छ । योसँगै नेपालमा कोरोना संक्रमितको कुल संख्या ११ लाख ५३ हजार ३७ पुगेको छ ।

योसँगै नेपालमा सक्रिय कोरोना संक्रमितहरुको संख्या ४ सय नाघेको छ । मन्त्रालयका अनुसार हाल नेपालमा ४ सय ५३ जना कोरोनाका सक्रिय संक्रमितहरु विभिन्न आइसोलेशनमा उपचाररत छन् ।

त्यस्तै नेपालमा कोरोनाका कारण ज्यान गुमाउनेको संख्या १२ हजार १९ पुगेका छन् । त्यस्तै, पछिल्लो २४ घण्टामा नेपालमा थप २६ जना संक्रमितहरु निको भएका छन् । योसँगै नेपालमा कोरोना संक्रमणमुक्त हुनेहरुको कुल संख्या ९ लाख ८८ हजार ३६६ पुगेका छन् ।

LIVE TV