२२ श्रावण २०७९, आईतवार

काठमाडौं । नेकपा एमालेका अध्यक्ष केपी शर्मा ओलीले अहिलेको वर्तमान सरकार ‘अलच्छिन’ सरकार भएको टिप्पणी गरेका छन् । आइतबार एमालेनिकट भूपुसैनिक तथा प्रहरी संगठनको कार्यक्रममा परमादेशबाट आएको सरकारले जे छोयो त्यहिँ खरानी भइरहेको बताउदै अध्यक्ष ओलीले वर्तमान सरकार अलच्छिन सरकार भएको बताए ।

अध्यक्ष ओलीले भने, ‘अलच्छिन सरकार । देशको लच्छिनै गयो । अलच्छिनै पस्यो देशमा । हिजो जहाँ छोयो त्यहाँ विकास हुन्थ्यो, आज जहाँ छोयो खरानी ।’

आगामी यहिँ सरकारले देश चलाउन पाए देश कस्तो हुन्छ भन्दै उनले प्रश्न पनि गरे । देशलाई बर्बाद हुनबाट बचाउनका लागि एमालेले जनतालाई सही कुरा सम्झाउनुपर्ने पनि उनले बताए ।

यस्तै, अध्यक्ष ओलीले वर्तमान सरकारकै हातमा आगामी दिनमा देश पुग्यो भने केही घराना र आफन्त सप्रिने र बाँकी जनताको अवस्था उस्तै हुने पनि ओलीको भनाइ छ ।

तस्वीर : महेश्वर के.सी.

LIVE TV