२२ श्रावण २०७९, आईतवार

काठमाडौं । फिल्म ‘शमशेरा’लाई लिएर बलिउड अभिनेता रणवीर कपुरले गरेका सबै दाबी गलत साबित भएका छन् । उनले आफ्ना फ्यानहरुको अपेक्षा समेत पूरा गर्न सकेनन् । शमशेरा बक्स अफिसमा सुपर डिजास्टर साबित भएको छ । अभिनेता रणवीर र निर्माताको टिमले १५० करोडमा बनेको ‘शमशेरा’ सुपरहिट हुने दाबी गर्दै आएका थिए । तर, फिल्मले बने हलहरुमा पानीसम्म भन्न पाएन ।

यति ठूलो बजेटमा निर्माण गरिएको ‘शमशेरा’को लाइफटाइम बिजनेस हिन्दीको टिकट विन्डोमा ५० करोड पनि हुन सकेन । दोश्रो सातापछि झण्डै सबै ठाउँबाट फिल्म हलबाट उतारिएको छ । बक्स अफिस वल्र्ड वाइडका अनुसार दुई हप्तामा फिल्मले ४२.६५ करोड मात्रै कलेक्सन गरेको छ ।

बन्यो फ्लप फिल्म

फ्लपको श्रेणीमा रणवीरका ‘शमशेरा’ले ‘जग्गा जासूस’ र ‘बेशरम’ जस्ता फिल्मको पनि रेकर्ड तोडेको छ । यो वर्ष यशराज प्रोडक्सनको लगातार चौथो फ्लप फिल्म पनि साबित भएको छ । फिल्मको पहिलो हप्ताको कलेक्शन नै निकै कमजोर रहेको थियो । त्यसपछि भविष्य अन्धकार हुने प्रष्ट भएको थियो ।

फिल्मले धेरैजसो मिडियामा नराम्रो प्रतिक्रिया पाएको थियो । त्यसोत माउथ पब्लिसिटीसमेत नकारात्मक थियो । माथिबाट फिल्मको संगीत र रणवीरको दाह्री लुकले फिल्मलाई फ्लप साबित गर्न कुनै कसर बाँकी राखेन ।

फिल्मको ओपनिङ कलेक्सन मात्र १०.२५ करोड थियो । तर प्रोडक्सन हाउस र फिल्मसँग सम्बन्धित व्यक्तिले सप्ताहन्त राम्रो हुने अपेक्षा गरेपनि त्यसो हुन सकेन । समग्रमा पहिलो हप्ताको बक्स अफिस कलेक्सन ४०.९५ करोड मात्रै रह्यो ।

के हुन्छ ब्रह्मास्त्र ?

रणवीरका फ्यानलेसमेत उनको खराब फिल्मलाई बचाउन सकेनन् भन्ने स्पष्ट छ । अहिले फिल्मका निर्देशक करण मल्होत्रा र अभिनेता सञ्जय दत्त फिल्म कमजोर बनेको स्वीकार गर्ने मुडमा छैनन् । जनताको घृणाले फिल्म डुबेको उनको भनाइ छ ।

जहाँ, फिल्मलाई बिर्सेर रणवीर कपुर गर्भवती पत्नी आलिया भट्टसँग फिल्मको करिडोरमा केही नभएको झैं घुम्दै फोटो खिचिरहेका छन् । त्यसोत, रणवीरको ब्रह्मास्त्र पनि अर्को महिना रिलिज हुँदैछ । जसमा उनले पहिलो पटक आलियासँग स्क्रिन सेयर गर्नेछन् ।

रणवीर–आलियाको सबै आशा अहिले यही फिल्ममा टिकेको छ । यो फिल्मको प्रमोशन सुरु भएपछि शमशेराको असफलतामा रणवीरको प्रतिक्रिया भने सार्वजनिक भएको छैन ।

LIVE TV