६ जेष्ठ २०७९, शुक्रबार

काठमाडौं । आठ वर्षअघिको मिस नेपालमा फस्र्ट रनरअप भएपछि आफूमाथि बलात्कार भएको बताउने पीडित युवतीको घरमा प्रहरी टोली पुगेको छ ।

शुक्रबार काठमाडौंको पेप्सिकोलास्थित पीडितको घरमा काठमाडौं उपत्यका अपराध अनुसन्धान कार्यालयका प्रहरी उपरिक्षक (एसपी) कृष्ण कोइरालाको टोली घटनाबारे अनुसन्धान गर्न पुगेको हो ।

पीडित युवतीले ‘सुसी खान जाने हो’ नाम टिकटक आइडीबाट बुधवार साँझ करिब ८ वर्ष अघि आफू मोडल एजेन्सी सञ्चालक मनोज पाण्डेबाट बलात्कृत भएको आरोप लगाएी थिइन् । टिकटकमार्फत आफूमाथि यौन हिंसा भएको बताउदै पीडकलाई कारबाही गर्न माग गरेका थिइन् ।

पीडित युवतीले भाग–१ देखी भाग–२० सम्म आफूमाथि भएको यौन हिंसाको घटनाक्रम सुनाएकी थिइन् । त्यसपछि सामाजिक सञ्जाल र सडकमा युवतीको पक्षमा नाराबाजी र आन्दोलन हुँदै आएको छ ।

सञ्जाल र सडकमा चौतर्फी घटनाबारे निन्दा र पीडकलाई कारबाहीको दायरामा ल्याउन आन्दोलनै चर्किएपछि शुक्रबार संसदमा पनि यो विषयले प्रवेश पाएको छ ।

शुक्रबार बसेको संसद् बैठकमा नेपाली कांग्रेसका महामन्त्री एवं सांसद गगन थापाले उक्त घटनाबारे तत्काल छानबिन थाल्न सरकारसँग अनुरोध गरेका छन् । सभामुख अग्नि सापकोटाले पनि यथाशीघ्र चाँडो घटनाबारे छानविन गर्न भनेका छन् ।

प्रतिक्रिया दिनुहोस्
LIVE TV