१८ बैशाख २०७९, आईतवार

काठमाडौं । निर्वाचन आयोगले आचारसंहिताविपरीतका गतिविधि गरेको पाइएमा कडा कारबाही गर्ने चेतावनी दिएको छ ।

आइतबार आयोगले गरेको पत्रकार सम्मेलनमा आयोगका प्रवक्ता शालिग्राम शर्मा पौडेलले आगामी वैशाख ३० को स्थानीय तह निर्वाचनमा आचारसंहिताविपरीत मिथ्या सामग्री सामाजिक सञ्जालमा पोष्ट गरे कडा कारबाही गर्ने चेतावनी दिए ।

उनका अनुसार निर्वाचन आचारसंहिताविपरीतका सामग्री सामाजिक सञ्जालमा पोष्ट गरेमा आयोगको ऐन २०७३ को दफा २३, निर्वाचन कसुर तथा सजाय ऐन २०७३ तथा प्रचलित कानुन अनुसार कारवाही गरिनेछ ।

निर्वाचनको समयमा सामाजिक सञ्जालको दुरुपयोग गर्नेलाई निर्वाचन आयोग ऐन २०७३ को दफा १६ बमोजिम कडा कारबाही गरिने पनि बताएका छन् ।

प्रतिक्रिया दिनुहोस्
LIVE TV