६ बैशाख २०७९, मंगलवार

काठमाडौं । सत्ता गठबन्धनको आज बस्ने बैठक दिउँसो दुई बजेलाई सारिएको छ । प्रधानमन्त्रीको सचिवालयका अनुसार यसअघि साढे ११ बजे तय भएको बैठक आज दिउँसो दुई बजेलाई सारिएको हो ।

आजको बैठकमा स्थानीय तह निर्वाचनमा सिट बाँडफाँटको विषयमा छलफल हुनेछ । गठबन्धनका नेताहरु आ–आफ्नो अडानमा कायम रहेपछि महानगर र उपमहानपालिकाहरुको भागबण्डा टुंगो लगाउन सकस देखिएको छ ।

महानगरपालिका र उपमहानगरपालिकाको विषयमा निर्णय गर्न सोमबार बसेको बैठक निष्कर्षविहीन बनेपछि गठबन्धनका शीर्ष नेताहरु आज पुनः छलफलमा बस्न लागेका हुन् ।
निर्वाचनमा तालमेल गरेर जाने सहमति गरे पनि दलहरुलाई महानगर र उपमहानगरको भागबन्डा मिलाउन सकस भइरहेको छ । सोमबार दिनभर छलफल भए पनि सहमति जुट्न सकेन ।

प्रतिक्रिया दिनुहोस्
LIVE TV