२५ चैत्र २०७८, शुक्रबार
  • ललिता साह,

सप्तरी । नेपाल पत्रकार महासंघ सप्तरी शाखाको भवन निर्माणका लागि शिलान्यास गरिएको छ । शुक्रबार शाखा सदस्य समेत रहेका मधेश प्रदेशका अर्थमन्त्री शैलेन्द्र प्रसाद साहले आवास गृहको शिलान्यास गरेका हुन् ।

नेपाल पत्रकार महासङ्घ शाखा सप्तरीले आफ्नै कार्यालय प्राङगणमा रहेको खाली जग्गामा भवन निर्माण गर्न लागेको शाखाका सचिव रामनारायण विश्वासले जानकारी गराए ।

आवासको लागि विगतमा प्रदेश सरकारसँग ३५ लाख रकम माग गरिएको थियो । योजना स्वीकृत गरी प्रदेश सरकारले यसवर्ष २५ लाख रकम छुट्याएको हो ।

राजविराज नगरपालिकाले प्रदान गरेको १५ धुर जग्गामा एक दशकअघि आफ्नै दुई तल्ले भवन निर्माण गरी शाखाले कार्यालय सञ्चालन गर्दै आएको अध्यक्ष श्रवण कुमार देवले जानकारी दिए ।

प्रतिक्रिया दिनुहोस्
LIVE TV