बिहीबार पर्सामा ११ जनमा कोरोना संक्रमण पुष्टि

• मुस्कान श्रेष्ठ

वीरगञ्ज । पर्साको नारायणी अस्पतालमा गरिएको पीसीआर परिक्षणको क्रममा बुधबार ११ जनामा कोरोना संक्रमण पुष्टि भएको छ ।

३५ जनाको स्वाब संकलन गरी नारायणी अस्पतालको प्रयोगशालामा गरिएको परीक्षणको क्रममा थप ११ जनमा कोरोना संक्रमण पुष्टि भएकोे नारायणी अस्पतालका कोभिड संयोजक डा उदय नारायण सिंहले जानकारी दिए ।

संक्रमित पुष्टि हुनेहरुमा ६ जना पुरुष र ५ जना महिला रहेका छन् । संक्रमित मध्ये पर्सा जिल्लामा ६ जनामा पुष्टि भएको छ ।

यस्तै बारा जिल्लाका ३ जना, रौतहटका १, सिराहका १ जनामा कोरोना संक्रमण पुष्टि भएको डा। सिंहले बताए ।

संक्रमितहरुको उमेर समुह ३ वर्ष देखि ७२ वर्षसम्म रहेको छ ।