१३ माघ २०७८, बिहीबार

काठमाडौं । पेट्रोलियम पदार्थमा भएको मूल्यबृद्धिको विरोधमा विप्लव नेतृत्वको नेकपा निकट विद्यार्थीहरुले विहीबार काठमाडौंमा राँके जुलुस निकालेका छन् ।

नेकपा निकट अखिल क्रान्तिकारीले विहीबार बागबजारमा राके जुलुस निकालेको हो । सो क्रममा प्रहरीले हस्तक्षेप गरेको थियो ।

प्रदर्शनका क्रममा विद्यार्थीहरुले पेट्रोलियम पदार्थमा भएको मूल्यबृद्धि खारेज गर, मूल्यबृद्धि नियन्त्रण गर लगाएका नारा लगाएका थिए । उनीहरुले तत्काल पेट्रोलियम पदार्थमा भएको मूल्यबृद्धि फिर्ता लिन माग गरेका छन् ।

नेपाल आयल निगमले गत बुधबार पेट्रोल प्रतिलिटर ३ रुपैयाँ, डिजेल तथा मट्टितेल पनि ३ रुपैयाँले बृद्धि गरेको थियो ।

प्रतिक्रिया दिनुहोस्
LIVE TV