३० पुष २०७८, शुक्रबार

काठमाडौँ । निर्वाचन आयोगले बोलाएको सर्व दलीय बैठक शुरु भएको छ । आउँदो माघ १२ गते हुने राष्ट्रिय सभा निर्वाचन र वैशाखमा प्रस्ताव गरिएको स्थानीय तहको निर्वाचन तयारीबारे आयोगले प्रमुख दलहरूसँग छलफलका लागि बैठक बोलाएको हो ।

जारी बैठकमा नेकपा एमाले, नेपाली कांग्रेस, नेकपा माओवादी केन्द्र, नेकपा एकीकृत समाजवादी लगायत दलहरुका प्रतिनिधि सहभागी रहेको जनाइएको छ । स्रोतका अनुसार एमालेबाट उपमहासचिव विष्णु रिमाल, कांग्रेसका रमेश लेखक, माओवादी केन्द्रबाट लीलामणि पोखरेललगायत नेताहरु छलफलमा सहभागी छन् ।

स्थानीय तहका जननिर्वाचित पदाधिकारीहरुको कार्यकाल यसै वर्षको अन्तिममा सकिन लागेको छ । समयमै स्थानीय तहको निर्वाचन गर्न भनी आयोगले आगामी २०७९ सालको वैशाखमा स्थानीय तहको निर्वाचन गर्ने प्रस्ताव अघि सारेको छ । यस प्रस्तावमा राजनीतिक दलहरु सहमत हुने नहुनेबारे छलफलबाट निक्र्यौल गरिने जनाइएको छ ।

 

प्रतिक्रिया दिनुहोस्

LIVE TV