९ मंसिर २०७८, बिहीबार

काठमाडौं । तेस्रो नेपाल मुवाथाई बेल्ट च्याम्पियनसीपमा नेपाल आर्मी टिम च्याम्पियन बनेको छ । गोकर्णेश्वरको शंखडोलस्थित कराते हलमा भएको प्रतियोगिताको एमेच्युअरतर्फ पुरुष ५४ केजीमा आर्मीका कृष्ण पुनले गोकर्णेश्वर क्लबका मानसिंह तामाङ्गलाई पराजित गरे ।

६५ केजीमा आर्मीका भुपेन्द्र रोका मगरले सुकेधारा क्लबका राजकुमार श्रेष्ठलाई हराए । ७० केजीमा रेज क्लबका अशुतोष मुल्मीले सुकेधाराका दोर्ची शेर्पालाई पाखा लगाए । पुरुष ७० केजीकै अर्को फाइटमा आर्मीका प्रकाश बरुवालले केन्द्रीय क्लबका राजेश कुवरलाई निराश पारे ।

गोकर्णेश्वर मुवाथाई नगर कमिटीद्वारा आयोजित सेमि प्रोफेशनल फाइटतर्फ पुरुष ५६ केजीमा बक्स्मान्डुका अनुज कार्कीले गोकर्णेश्वरका प्रवीण राईलाई, ५४ केजीमा गोकर्णेश्वर क्लबका कृतिम श्रेष्ठले सुकेधारा क्लबका यमन मोक्तान, ६५ केजीमा सातदोबाटोका बिक्रम मोक्तानले सुकेधाराका नारायण श्रेष्ठ र ६५ केजीकै अर्को भिडन्तमा आर्मीका नारायण थापाले केन्द्रीय क्लबका मुकेश लुइँटेललाई पाखा लगाए ।

प्रोफेसनल बेल्ट फाइटतर्फ महिला ५१ केजीमा रेज क्लबकी तेजीमाया गुरुङ्गले केन्द्रीय क्लबकी डेनिका राइलाई पराजित गर्दै बेल्ट जितिन् भने पुरुष प्रोफेशनल फाइटको ५० केजीमा पोखराका ज्ञानेन्द्र सिंहले सुकेधाराका तेजन मगरलाई पाखा लगाउदै जिते । पुरुष ६० केजीमा फ्रेन्डसिप मुवाथाई क्लबका विवेक गदालले सुकेधारा क्लबका प्रवेग घिसिङलाई पराजित गर्दै बेल्ट हात पारे ।

पुरुष ५४ केजिमा गोकर्णेश्वर क्लबका लाक्पा तामाङ्गले सुकेधाराका आनन्द राईलाई, ५६ केजीमा केन्द्रीय क्लबका सन्दिप तामाङ्गले गोकर्णेश्वर क्लबका दावा फुन्जो शेर्पालाई, तथा ७० केजीमा आर्मी क्लबका होमबहादुरले गोकर्णेश्वर क्लबका नवराज पराजुलीलाई पराजित गर्दै बेल्ट हात जिते ।

विजेतालाई गोकर्णेश्वर नगरपालिकाका मेयर सन्तोष चालिसे, गो।न।पा। युवा तथा खेलकुद समिति संयोजक सन्जय लामा, गोकर्णेश्वर नगरपालिकाका प्रमुख सल्लाहकार दीपक रिसाल, नेपाल राष्ट्रिय मुवाथाई संघका अध्यक्ष गणेशलाल कक्षपतीलगायतले एक कार्यक्रमबीच पुरस्कृत गरे । प्रतियोगितामा ९ क्लब सहभागी थिए ।

प्रतिक्रिया दिनुहोस्

LIVE TV