८ मंसिर २०७८, बुधबार

काठमाडौं । फिल्म ‘रत्नपार्क’बाट र्‍यापर भिटेन अर्थात् (समीर घिसिङ) पनि अभिनेता बन्ने भएका छन् । नवराज गिरीले निर्माण गर्न लागेका ‘रत्नपार्क’को कथा नवराजकै रहेको छ ।

निर्माता गिरीका अनुसार यो फिल्ममा एक जना मानिसले बाँच्नका लागि गर्ने विभिन्न किसिमका संघर्षका कथालाई प्रस्तुत गरिने भएको छ । कथा पढेर नै भिटेन फिल्ममा काम गर्न उत्सुक भएका बताइएको छ ।

यस फिल्मका लागि निर्माता नवराजले तीन जना निर्देशक फेरिसकेका छन् । लिखित सम्झौता भएपछि मात्र बाँकी कलाकार र निर्देशकको नाम सार्वजनिक निर्माता गिरीको योजना रहेको छ । र्‍यापर भिटेन बाहेक अन्य कलाकारहरु व्यावसायिक नै हुने उनको भनाइ छ ।

भिटेन पनि फिल्ममा काम गर्न पाउँदा निकै उत्साहित भएको बताउँछन् । भिटेनले वर्कशपमा लिने समयको आधारमा फिल्मको छायाङ्कन कहिलेबाट शुरु हुन्छ भन्न सकिने निर्माता गिरीको भनाइ छ ।

प्रतिक्रिया दिनुहोस्

LIVE TV