१ मंसिर २०७८, बुधबार

एजेन्सी  । इजरायलका नयाँ प्रधानमन्त्री नफ्ताली बेनेट भारत भ्रमण गर्ने भएका छन् ।

उनले कहिले भ्रमण गर्ने एकिन नभएपनि अर्को वर्ष सन् २०२२ मा गर्ने तयारी भइरहेको इजरायली उच्च अधिकारीले जनाएका छन् ।

“इजरायली प्रधानमन्त्रीको भारत भ्रमणका लागि हामीले काम गरिरहेका छौँ, अहिलेसम्म भ्रमणको मिति तय भएको छैन, चाँडै नै निधो हुने हाम्रो विश्वास छ,” भारतका लागि इजरायली राजदूतले भने।

सन् २०२२ को मध्यतिर प्रधानमन्त्री बेनेटले भारतको भ्रमण गर्ने  अपेक्षा गरिएको पनि राजदूत नाओर गिलोनले जानकारी दिए ।

इजरायली प्रधानमन्त्री बेनेटले भारतीय प्रधानमन्त्री नरेन्द्र मोदीसंग संयुक्त राष्ट्रसङ्घीय जलवायु परिवर्तनसम्वन्धी सम्मेलनका क्रममा ग्लास्गोमा भेटवार्ता गरे ।

‘साइडलाईन’ भेटवार्ताकै क्रममा उनीहरुबीचमा भ्रमणको कुरा उठेको र दुई पक्षीय गृहकार्यका आधारमा मिति तय गर्ने सहमती भएको उनले बताए।

पछिल्लो समयमा इजरायल र भारतकबीचमा सम्वन्ध थप बलियो बनाइ सहकार्य गर्ने बारेमा विभिन्न चरणमा छलफल भइरहेका छन् । भारतका सेना प्रमुख एमएम नाराभाने आइतवारदेखि इजरायलको पाँच दिने भ्रमण गर्नेछन् ।

दुई देशबीचमा सहकार्य र सम्वन्ध थप बढाउने नै भ्रमणको मुख्य उद्देश्य रहेको भारतीय सेनाले जनाएको छ ।

“भावी रणनीतिक सहकार्य र योजनाका लागि दुई देशबीचमा छलफल गर्न सेना प्रमुख गएको सेनाले जनाएको छ ।

रणनीतिक हिसावले महत्व राख्ने दुई देशबीचमा सम्वन्ध विस्तारका लागि भइरहेका भ्रमण, भेटवार्ता र छलफललाई अर्थ पूर्णरुपमा हेरिएको छ ।

प्रतिक्रिया दिनुहोस्

LIVE TV