३० कार्तिक २०७८, मंगलवार

काठमाडौं । कलंकीबाट बल्खुतर्फ जाँदै गरेको पठाओ स्कुटरलाई ओम जनता यातायातको बसले ठक्कर दिँदा दुई जनाको मृत्यु भएको छ ।

महानगरीय प्रहरी परिसर काठमाडौंका अनुसार उक्त दुर्घटनामा पठाओ स्कुटरचालक अन्दाजी ३५ वर्षीय रामबहादुर आचार्य र ५२ वर्षीय यादवकुमार शाहको मृत्यु भएको हो ।

प्रहरीका अनुसार मंगलबार साँझ ५ बजे कलंकीको सीता पेट्रोल पम्पनजिकै कलंकीबाट बल्खुतर्फ जाँदै गरेको प्रदेश ०३–०२–०१४ प ७४६३ नम्बरको स्कुटरलाई विपरीत दिशाबाट कलंकीतर्फ आइरहेको प्रदेश ०३–०१–००५ ख ९३०० नम्बरको बसले डक्टर दिँदा स्कुटरचालक र यात्रु दुवै जना घाइते भएका थिए ।

उनीहरु दुवैजनालाई उपचारका लागि बयोधा अस्पताल पु¥याइएको थियो । उपचारका क्रममा दुवैको मुत्यु भएको प्रहरीले जनाएको छ ।

ठक्कर दिने बस र स्कुटरलाई महानगरीय प्रहरी वृत्त कालीमाटीले नियन्त्रणमा लिएको छ । अहिले आवश्यक अनुसन्धान भइरहेको प्रहरीले जनाएको छ ।

LIVE TV