२१ कार्तिक २०७८, आईतवार

काठमाडौं । जनता समाजवादी पार्टीका संघीय परिषद् अध्यक्ष डा.बाबुराम भट्टराईले आफ्नो छोरी मानुषी यमी भट्टराई बेलायत पढ्न गएको प्रमाणित गर्न नेकपा (एमाले)का अध्यक्ष केपी शर्मा ओलीलाई चुनौती दिएका छन् ।

आइतबार काठमाडौंमा आयोजित एक कार्यक्रममा एमाले अध्यक्ष ओलीले डा. भट्टराईको आम्दानीमाथि प्रश्न उठाउदै छोरी मानुषी बेलायतमा पढेकोमा प्रश्न उठाएका थिए । डा.भट्टराईले ट्वीट गर्दै ओलीको सोही प्रश्नको जवाफ दिदै यस्तो चुनौती दिएका हुन् ।

उनले पूर्व प्रधानमन्त्री जस्तो मान्छेले तथ्यहीन उडन्ते कुरा गर्नु शोभनीय नभएको बताएका छन् ।

उनले भनेका छन्, ‘मित्र खड्ग प्रसाद जी, पूर्व प्रम जस्तो मान्छेले तथ्यहीन उडन्ते कुरा गर्नु शोभनीय भएन । हाम्री छोरी मानुषी ७ वर्षको उमेरमा जनयुद्धपूर्व २०४९–५१ मा आमा हिसिला छात्रवृत्तिमा बेलायत पढ्न गएको बेलासँगै गएर संगै फर्केकी हुन् । त्यस यता उनी बेलायत गएको प्रमाणित गर्नोस् न !’

प्रतिक्रिया दिनुहोस्

LIVE TV