१५ कार्तिक २०७८, सोमबार

काठमाडौं । विदुर विष्ट गणेशमान सिंह राष्ट्रिय टेनिस प्रतियोगिता– २०२१ को पुरुष ६५ वर्ष माथिको प्रतियोगितामा जित हात पार्दै उपाधि उचाल्न सफल भएका छन् ।

बिष्टले सोमबार सम्पन्न फाईनलमा आफ्ना प्रतिद्वन्दि ज्ञानेन्द्र ताम्राकारलाई ४–०, १–४ र ११–९ ले पराजित गर्दै उपाधी उचालेका हुन् ।

गणेशमान सिंह फाउण्डेशनको आयोजना तथा नेपाल टेनिस संघको आयोजनामा भएको प्रतिस्पर्धाको ५५ वर्ष माथिको प्रतिस्पर्धामा भेट्रान खेलाडी, राप्रपा अध्यक्ष एवं पूर्वमन्त्री कमल थापालाई ६–४, ६–३ ले पराजित गर्दै विमल कुमार गुरुङ्गले उपाधि उचाले ।

यस्तै, ३५ वर्ष माथिको खेलमा कमल बहादुर भण्डारीले सिमान्त गुरुङ्गलाई ६–३, ६–४ ले हराउँदै उपाधिमा आफ्नो नाम लेखाए ।

जुनियर तर्फको यु १० छात्रा तर्फ सिभाली गुरुङ्गले उपाधि जितिन् । उनले आयुषा जि.सी.लाई ६–१, ६–० ले पराजित गरेकी हुन् ।

यु १४ तर्फ सुनिरा थापाले अद्या पौडेललाई ६–३, ६–२ ले पराजित गर्दै उपाधि उचालिन् । सुनिरा थापाले युगल तर्फको उपाधि पनि जितिन् । उनले प्रशंसा मोक्तानसँग मिलेर आद्या पौडेल र समृद्धी महर्जनको जोडीलाई ७–५, ७–६ को कठीन जित निकाल्दै उपाधि जित्न सफल भइन्।

छात्र यु १४ युगल तर्फको प्रतिस्पर्धामा आयुष्मान हजुर घले र सक्षम विक्रम शाहको जोडीले बाजी मारे । उक्त जोडीले दर्शिल श्रेष्ठ र श्रीजन भट्टराईको जोडीलाई ६–२, ६–१ ले पराजित गरे ।

महिला युगलतर्फ ईरा राउत र अभिलाषा बिष्टको जोडीले जित हात पार्दै उपाधिमा कब्जा जमाए । उक्त जोडीले प्रेरणा कोईराला र सलोनी तामाङ्गको जोडी लाई ५–७, ६–४ र ७–५ ले पराजित गर्दै उपाधि कब्जा गरेका हुन् ।

पुरुष एकलतर्फ ऋतिक राणा र आरभ सम्राट हाडा फाईनल प्रवेश गरे । राणाले अकि जुवेन राउतलाई ६–२, २–६, ६–३ ले तथा आरभले निशान श्रेष्ठलाई ६–१, ६–२ ले पराजित गर्दै उपाधि होडलाई कायम राखेका छन् ।

यस्तै महिला एकलतर्फ प्रेरणा कोईराला र सलोनी तामाङ्गले फाईनल यात्र तय गरे । कोईरालाले रयना शाहलाई ६–१, ६–३ र सलोनीले अभिलाषा बिष्टलाई ६–१, ६–० ले पाखा लगाएका हुन् ।

पुरुष युगल ३५ वर्ष माथिको युगल तर्फ कमल बहादुर भण्डारी र सिमान्त गुरुङ्गको जोडी तथा निरज थापा र लोक गुरुङ्गको जोडीले फाईनल यात्र तय गरे ।

कमल र सिमान्तको जोडीले राजु क्षेत्री र सुदर्शन श्रेष्ठको जोडीबाट वाक ओभ र प्राप्त गरे भने निरज र लोकको जोडीले राजन पौडेल र नविन श्रेष्ठको जोडीलाई ६–३, ६–३ को सेटमा पराजित गर्दै उपाधी भिडन्त पक्का गरेका हुन् ।

४५ वर्ष माथिको पुरुष युगलमा राजु श्रेष्ठ र महेश श्रेष्ठको जोडी निरेश श्रेष्ठ र गोपाल दास मानन्धरको जोडीलाई ६–१, ६–२ को सेटमा पराजित गर्दै फाईनलमा चन्द्र शाही र देगेन्द्र श्रेष्ठको जोडीसँग उपाधिका लागि भिड्ने भएका छन् ।

शाही र श्रेष्ठको जोडीले सुमित महर्जन र निमा लामाको जोडीलाई ६–२, ६–१ ले पराजित गर्दै फाईनल प्रवेश गरेका हुन् । यस्तै ५५ बर्ष माथिको भिडन्तमा कृष्णराज घले र सुवर्ण धाख्वाको जोडी जित हात पार्दै फाईनल प्रवेश गरे ।

उक्त जोडीले मनोज शम्शेर जबरा र प्रदीप शाहको जोडीलाई ६–४, ६–२ ले हराउँदै उपाधि नजिक पुगेका हुन् ।

यस्तै, अर्को फाईनल प्रवेश गर्ने जोडीमा कमल थापा र छम्ब धोन्दुप रहे । उक्त जोडीले सेमिफाईनलमा उत्तम लामा र राजु श्रेष्ठको जोडीलाई ६–४, ७–६ ले हराए ।

विजयी खेलाडीहरुलाई प्रतियोगिताको अन्तिम दिन मंगलबार पुरस्कार वितरणले सम्मान गर्ने कार्यक्रम रहेको छ ।

प्रतिक्रिया दिनुहोस्

LIVE TV