३० आश्विन २०७८, शनिबार

एजेन्सी । बंगलादेशमा अल्पसंख्यक हिन्दूहरुले दूर्गा पूजा गरिरहेका अवस्थामा पण्डालमा आक्रमण भएपछि हिन्दू मन्दिर एवं हिन्दूहरुमाथिको आक्रमण झनै बढेको छ । यही क्रममा राजधानी ढाका र नोआखलीमा शुक्रबार प्रदर्शनकारी र प्रहरीबीच हिंसात्मक झडप भएको छ । उक्त झडप ढाकाको पल्टनका बैतुल मुकर्रम मस्जिद, ककरैल इलाका र नोआखलीको चौमूहनीमा शुक्रवारको प्रार्थनापछि भएको थियो।

यो संगै, नोआखलीको बेगमगञ्जको चौमुहानीमा हिन्दू समुदायको घर र पसललाई निशाना बनाइएको खबरहरु पनि आएका छन्। जस्को क्रममा जतन कुमार साहा नामक एक व्यक्तिको मृत्यु भएको जिल्लाका अतिरिक्त प्रहरी उपरीक्षकले पुष्टि गरेका छन् ।

ढाकामा प्रदर्शनको क्रममा मानिसहरूले ९मालीबाग मुस्लिम समाज० का पोस्टर बोकेका थिए। यस्तै चौमुहानीमा आयोजित प्रदर्शनमा ९तौहिदी जनता० को पोस्टर बोकिएको थियो ।

एक रिपोर्टका अनुसार प्रदर्शनकारीले भारत विरोधी नारा लगाएका थिए र प्रधानमन्त्री सेख हसिना वाजेललाई नयाँ दिल्लीको धेरै नजिक भएको आरोप लगाएका थिए।कमिला जिल्लामा कुरानको कथित अपमानको बिरुद्ध ढाका र चौमुहानीमा प्रदर्शनहरु भइरहेका थिए, जुन हिंसात्मक बनेको थियो।
स्मरण छ प्रधानमन्त्री हसिनाले अल्पसंख्यक हिन्दूहरुमाथि आक्रमण गर्नेलाई कडा कारवाही चेतावनी बिहीबार दिएकी थिइन ।

बुधबार कोमिलाको एक पूजा पण्डालमा कुरानको कथित अपमान भएको भन्दै हल्ला चलाइएपछि कोमिला र चाँदपुरलगायत देशका धेरै भागहरुमा मन्दिरहरु र दूर्गा पूजा पण्डलहरुमा आक्रमण भएको थियो।

नोआखलीको बेगमगञ्जको एउटा पूजा पण्डालमा आगलागी हुँदा र चन्दपुरको हाजीगञ्जमा झडप हुँदा कम्तीमा चार जनाको मृत्यु भएको छ।

सरकारले स्थिति नियन्त्रणमा ल्याउन देशका २२ जिल्लाहरुमा बीजीबी सुरक्षा बल तैनाथ गरेको छ। बिहीबार प्रधानमन्त्री शेख हसिनाले घटनाको लागि जिम्मेवारहरुलाई सजाय दिइने वचन दिएपछि स्थिति थप उग्र बनेको छ ।

प्रतिक्रिया दिनुहोस्

LIVE TV