२६ आश्विन २०७८, मंगलवार

डडेल्धुरा । धनगढीबाट बाजुरा जाँदै गरेको ना७ख १७४ नंको बस केआईसिंह राजमार्गअन्तर्गत अमरगढी नगरपालिका–१० राईबजार राईबजार नजिकै दुर्घटना हुँदा १६ जना घाइते भएका छन् । घाइते हुनेमा छ महिला, दुई बालबालिका र आठ पुरुष छन् ।

बस ब्रेक फेल भएर आज बिहान दुर्घटना भएको जिल्ला प्रहरी कार्यालयका प्रहरी प्रमुख प्रहरी नायब उपरीक्षक महेन्द्र नेपालले जानकारी दिनुभयो ।

बसमा करिब ५०-६० यात्रु रहेकाे र सामान्य घाइतेको डडेल्धुरा अस्पतालमा नै उपचार भइरहेको उहाँले बताउनुभयो । बसमा दशैँका लागि गाउँ फर्कने यात्रुहरू थिए ।

प्रतिक्रिया दिनुहोस्

LIVE TV