१६ भाद्र २०७८, बुधबार

एजेन्सी । कतारमा अफगान तालिवानको राजनीतिक कार्यालयका उपप्रमुख तथा वार्ता टोलीका सदस्य शेर मोहम्मद अब्बास स्टानिकजाईले अफगानिस्तानमा तीन दिनभित्र नयाँ सरकारको घोषणा हुने बताएका छन्।

बीबीसी पश्तो रेडियोसंग एक विशेष अन्तवार्तमा, उनले भने, ‘नयाँ सरकारमा विगत २० वर्षदेखि सरकारमा रहेकाहरुलाई समावेस गरिने छैन ।यसमा कुनै शंका छैन कि अफगानिस्तानको इस्लामिक इमिरेट एक सरकार बनाउनेछ जुन अफगानिस्तान भित्र र बाहिर दुबैबाट समर्थन हुनेछ’।

उनले भने, ‘यो एक समावेशी सरकार हुनेछ र सबैको प्रतिनिधित्व हुनेछ। उनले स्पष्ट पारे कि विगत २० बर्षदेखि एक रुपमा सरकारमा रहेका अनुहार नयाँ सरकारमा हुने छैनन्।’

 

अब्बास स्टानिकजÞईका अनुसार, उनको नयाँ सरकार पवित्र र शिक्षित मानिसहरु मिलेर बन्नेछ। यसअघि तालिवानका प्रवक्ता जबीहुल्लाह मुजाहिदले जारी गरेको विज्ञप्तिमा यो भनिएको थियो कि कान्दाहारमा नयाँ सरकार गठनबारे छलफल गर्न उनीहरुका नेता मुल्लाह हबीबुल्लाह अखुन्दजादाको अध्यक्षतामा तीन दिने बैठक सम्पन्न भएको छ।

महिलाहरु पनि सहभागी हुने

शेर मोहम्मद अब्बास स्टेनिकजाईले अन्तर्वार्तामा भने,’उनको सरकारमा महिलाहरु सामेल हुनेछन्। नयाँ सरकारमा महिलाहरुको ठूलो संख्या हुनेछ भन्नेमा कुनै शंका छैन, तर उनीहरु वरिष्ठ पदमा रहनेछन् वा छैनन् भन्ने अझै स्पष्ट छैन।’

अब्बास स्टेनिकजाईले दाबी गरे कि उनको सरकारमा महिलाहरुसंग कुनै समस्या छैन र महिलाहरु कार्यालयमा काम गर्दछन्। काबुलमा बीबीसी अफगान सेवाका सम्पादक इनायत–उल–हक यासिनीले सोधे कि अन्तर्राष्ट्रिय समुदायले यस्तो सरकारलाई मान्यता दिनेछ? अब्बास स्टेनिकजाईले भने, ‘हामी पक्का छौं कि सबैले यो सरकारलाई मान्यता दिनेछन्, किनकि २० वर्षपछि अफगानिस्तानमा शान्ति स्थापना भएको छ र यस्तो सरकार गठन हुँदैछ। साथै सम्पूर्ण अफगानिस्तानमा कुनै युद्ध छैन।’

अब्बास स्टेनिकजाईका अनुसार विगत ४० वर्षमा पहिलो पटक अफगानिस्तानमा पछिल्लो पखवाडामा कुनै युद्ध भएको छैन।

तालिवानः अन्तर्राष्ट्रिय समुदाय लाभमा

उनी भन्छन् , ‘यो स्थितिले अफगानहरुलाई मात्र नभई अन्तर्राष्ट्रिय समुदायलाई पनि फाइदा पुग्नेछ। अफगानहरु एकजुट छन् र विश्वले यस अवस्थाको फाइदा लिनु पर्छ र हाम्रो सरकारलाई मान्यता दिनु पर्छ’।

शेर मुहम्मद अब्बास स्टानिकजईको अनुसार, उनको सरकार यूरोपीयन संघ र संयुक्त राज्य अमेरिका सहित संसारका सबै देशहरु संग राम्रो सम्बन्ध चाहन्छ, र अफगानिस्तान को छिमेकीहरुलाई पनि यो स्थिति को लाभ उठाउनु पर्छ।

अब्बास स्टेनिकजाईका अनुसार कतारमा उनको राजनीतिक कार्यालयका सदस्यहरु बिभिन्न देशहरुसंग वार्तामा छन्।

काबुल एयरपोर्ट दुई दिन भित्र सुरु हुने

शेर मुहम्मद अब्बास स्टानिकजाईका अनुसार काबुलको हमिद करजई अन्तर्राष्ट्रिय बिमानस्थल अमेरिका फर्केपछि पुनःनिर्माण गरिएको छ र दुई दिनमा सञ्चालनमा आउनेछ।

अब्बास स्टेनिकजाईका अनुसार विमानस्थलको मर्मतका लागि २५–३० मिलियन डलर खर्च हुनेछ, जुन कतार र टर्कीले दिनेछन्।

के कानूनी कागजात भएका मानिसहरु देश छोडेर जान पाउँछन् ?

तालिवानको नयाँ सरकारले अफगानिस्तान छोड्न चाहने अफगानिस्तानलाई अनुमति दिनेछ कि भन्ने प्रश्नको जवाफ दिँदै स्टेनिकजाईले भने, ‘जोसंग कानूनी कागजात छ उनीहरुलाई एयरपोर्ट र अन्य मार्गहरुबाट देश छोड्न अनुमति दिइनेछ।’

उनले भने, ‘कसैलाई पनि पासपोर्ट र भिसा बिना देश छोड्न दिइने छैन।’

प्रतिक्रिया दिनुहोस्

LIVE TV