१० भाद्र २०७८, बिहीबार

काठमाडौं । नेकपा (एकीकृत समाजवादी)का अध्यक्ष माधवकुमार नेपालले आफ्नो पार्टी क्रान्तिकारी संस्कारयुक्त, माक्र्सवाद र लेनिनवादप्रति समर्पित हुने बताउनुभएको छ । निर्वाचन आयोगले नयाँ पार्टीको मान्यता दिइसकेपछि विहीबार (आज) पत्रकार सम्मेलन गर्दै अध्यक्ष नेपालले यस्तो बताउनुभएको हो ।

अध्यक्ष नेपालले आफ्नो पार्टीले समाजवादको नेपाली मोडेल स्थापित गर्ने बताउँदै भन्नुभयो, ‘जुन हिसाबको संस्कार, जुन किसिमको परिपाटी केपी ओलीले स्थापित गर्न खोज्नुभएको छ । त्यो भन्दा नितान्त भिन्न हुनेछ । यो क्रान्तिकारी संस्कारयुक्त पार्टी हुनेछ । माक्र्सवाद र लेनिनवादप्रति समर्पित पार्टी हुनेछ ।’

त्यस्तै उहाँले आफ्नो पार्टी जनताको बहुदलीय जनवादको मूल्य र मान्यतालाई आत्मसाथ गरेर अगाडि बढ्ने बताउदै भन्नुभयो, ‘समाजवादको नेपाली मोडेल कस्तो हुनेछ ? भन्ने सोच अघि सार्ने र समाजवादको यात्रामा दृढताका साथ निरन्तर अगाडि बढ्नेछ ।’

‘यो पार्टीमा निजी स्वार्थका लागि लाग्ने व्यक्तिहरुको जमात हुँदैन’, उहाँले भन्नुयो, ‘यो कुसंस्कारीहरुको झुण्ड हुने छैन । यो एउटा नेताको प्रशंसामा जम्मा भएको भजनमण्डली पनि हुनेछैन । यहाँ कसैका फोटाहरु पनि प्रदर्शन गरिने छैन ।’

प्रतिक्रिया दिनुहोस्

LIVE TV