४ श्रावण २०७८, सोमबार

एजेन्सी । अफगान सरकार र तालिवानीहरुले वार्तालाई निरन्तरता दिने प्रतिवद्धता जनाएका छन् ।

कतारको दोहामा जारी वार्ताका क्रममा दुवै पक्षले युद्धविराम र सरकारी नियन्त्रणमा रहेका विद्रोही लडाकूको रिहाइलगायतका विषयमा आन्तरिक रुपमा थप छलफल गरेर सहमतिमा पुग्ने प्रतिवद्धता जनाएका हुन् ।

बैठकपछि संयुक्त रुपमा जारी गरिएको विज्ञप्तिमा शान्ति वार्तालाई निष्कर्षमा पु¥याउने प्रतिवद्धता जनाएका हुन् । वार्ताका लागि दुवै पक्षले विस्वासको वातावरण बनाउन थप गृहकार्य गर्नेसमेत जनाएका छन् । दुवै पक्षले लामो समयदेखि वार्ता गरिरहेका छन् ।

अमेरिकाले आफ्ना सेना फिर्ता बोलाउने निर्णय गरेलगत्तै दुवै पक्षबीच पटक पटक वार्ता भएको छ । सरकारसँग वार्ता जारी रहेपनि तालिवानी लडाकूहरुले अफगानिस्तानका चार सय जिल्लामध्ये आधा भन्दा बढी आफ्नो नियन्त्रणमा रहेको बताउँदै आएका छन् ।

अमेरिकी सेना फिर्ता भएलगत्तै तालिवानीले सशस्त्र गतिविधि तीव्र पारेसँगै वार्ताका लागि सरकारलाई थप दवाव परेको छ ।

प्रतिक्रिया दिनुहोस्

LIVE TV