२ श्रावण २०७८, शनिबार

काठमाडौं । नेपाली कांग्रेसका महामन्त्री डा. शशांक कोइराला, केन्द्रीय सदस्य डा. शेखर कोइराला र सुजाता कोइरालालगाएतका नेताबीच छलफल भएको छ ।

शनिबार महाराजगञ्जस्थित महामन्त्री शशांक कोइराला निवासमा भएको छलफलमा राष्ट्रिय राजनीतिका बारेमा कुराकानी भएको हो । त्यस्तै सरकारलाई विश्वासको मत दिलाउने र पार्टीको १४ औं महाधिवेशनका विषयमा कुराकानी भएको नेताहरुले जनाएका छन् ।

छलफलपछि कांग्रेस नेता शेखर कोइरालाले राष्ट्रिय राजनीतिका कुराकानी भएको बताए । उनले सरकारलाई प्रभावकारी रुपमा अघि बढाउने लगाएका बिषयमा कुराकानी भएको पनि बताए ।

राष्ट्रिय राजनीतिलाई कांग्रेसको नेतृत्वमा अगाडि बढाउँदै महाधिवेशनलाई सफल बनाउने विषयमा नेताहरुबीच छलफल भएको बताइएको छ ।

१४ औं महाधिवेशनमा पार्टी नेतृत्वका लागि उम्मेद्वार चयनका लागि कांग्रेस नेताहरुबीच छलफल चल्दै आएको छ ।

प्रतिक्रिया दिनुहोस्

LIVE TV