१ श्रावण २०७८, शुक्रबार

काठमाडौं । अर्थमन्त्री जनार्दन शर्माले अध्यादेशमार्फत आएको बजेटलगायतको विषयमा संसदले नै आवश्यक निर्णय गर्ने बताउनुभएको छ ।

शुक्रबार सिंहदरबारस्थित अर्थमन्त्रायलमा पत्रकारसँगको छलफलका क्रममा अध्यादेशमार्फत् आएको बजेटलगायतको विषयमा सदनमा प्रस्तुत हुने भएकाले त्यो सदनले नै निर्णय गर्ने बताउनुभएको हो ।

उहाँले मुलुकको पछिल्लो आर्थिक अवस्थालाई विष्लेषण गरेर श्वेतपत्र ल्याउने जानकारी पनि दिनुभयो । उहाँले अहिले आफू अर्थतन्त्रको अध्ययनको क्रममा रहेको जानकारी दिनुभयो । उहाँले सबै वस्तुस्थिति बुझेर केही दिनभित्रैमा अर्थतन्त्रको समग्र अवस्थाबारे सार्वजनिक गर्ने प्रतिबद्धता जनाउनुभयो ।

सोही क्रममा सरकारको समग्र भावी योजनासमेत सँगसँगै सार्वजनिक गर्ने पनि उहाँले बताउनुभयो । अर्थमन्त्री शर्माले अहिलेको परिस्थितिलाई सहज र आर्थिक क्रियाकलापलाई चलायमान गराउँदै गत वर्षको कमीकमजोरीलाई समेत सच्याएर अघि बढ्ने क्रममा मन्त्रालय रहेकोसमेत उहाँले उल्लेख गर्नुभयो ।

कार्यक्रममा अर्थसचिव शिशिर कुमार ढुङ्गानाले मुलुकको वर्तमान बजेटको अवस्थाका बारेमा जानकारी गराउनुभएको थियो । अर्थ मन्त्रालयले पुँजी बजारलगायतका समस्या रहेको जानकारी गराउँदै त्यसलाई सर्वसाधारण जनताको हितमा हुने गरी कसरी काम गर्न सकिन्छ भनेर योजना निर्माण गर्ने पनि जनाएको छ ।

प्रतिक्रिया दिनुहोस्

LIVE TV