२६ चैत्र २०७७, बिहीबार

एजेन्सी । चीनको बेइजिङ संसारमै सबैभन्दा धेरै अर्बपतिहरू भएको सहर बनेको छ।फोर्ब्स म्यागजीनले नियमित प्रकाशित गर्ने अर्बपतिहरूको सूचीको नयाँ संस्करणअनुसार चीनको बेइजिङ संसारमै सबैभन्दा धेरै अर्बपतिहरू भएको सहर बनेको हो।

बेइजिङमा गत वर्ष ३३ जना अर्बपति थपिएपछि अर्बपतिको सङ्ख्या १०० पुगेको छ। बीबीसीका अनुसार चीनले कोरोना भाइरसलाई छिटै नियन्त्रणमा लिएको, प्रविधि कम्पनीहरूको सफलता र स्टक बजारका कारण उक्त उपलब्धी हासिल गर्न सफल भएको जनाइएको छ।

विगत सात वर्ष सबैभन्दा धेरै अर्बपति भएको सहर अमेरिकाको न्यूयोर्कमा ९९ जना अर्बपति छन्। अहिले भने न्यूयोर्कलाई पछाडि पार्न बेइजिङ सफल भएको बताइएको छ ।

धेरै धनाढ्य भए पनि अर्बपतिहरूको कुल सम्पत्तिमा न्यूयोर्क नै अगाडि छ। त्यहाँका अर्बपतिसँग बेइजिङका अर्बपतिभन्दा ८० अर्ब डलर बढी सम्पत्ति छ।

प्रतिक्रिया दिनुहोस्
LIVE TV