८ फाल्गुन २०७७, शनिबार

बुटवल, ८ फागुन । बुटवल बहुमुखी क्याम्पसको कानून संकाय अन्तर्गत कानून कल्याण परिषद् गठन भएको छ । शनिबार क्याम्पसको कानून विषय अध्ययन गर्ने विद्यार्थीबीच गरिएको बृहत अन्तरक्रिया एवं सहजीकरण कार्यक्रमा सो परिषद् गठन गरिएको हो ।

परिषद्ले शिव डुम्रेको अध्यक्षतामा १५ सदस्यीय समिति समेत गठन गरेको छ । जसको उपाध्यक्षमा विष्णुमाया चिदी, सचिवमा रमेशदेव आचार्य, सहसचिवमा बिना कुमारी सापकोटा र कोषाध्यक्षमा प्रेम सुवेदी रहेका छन् ।

बुटवल बहुमुखी क्याम्पसअन्तर्गत कानून संकायले आयोजना गरेको बृहत अन्तरक्रिया कार्याक्रममा बोल्दै प्रधानमन्त्रीको कदम असंवैधानिक रहेको बताएका छन् । अन्तरक्रिया कार्यक्रममा बोल्दै बरिष्ठ अधिवक्ता शालिकराम बन्जाडेले संविधानले कल्पना नगरेको विषय संवैधानिक हुन नसक्ने भन्दै प्रधानमन्त्रीको कदमको चर्को आलोचना गरे ।

बन्जाडेले संविधानप्रदत्त अधिकारभन्दा बाहिर रहेर गरिएका कुनैपनि निर्णय राजनैतिक निर्णय हुन नसक्ने भन्दै, प्रधानमन्त्रीले संविधानसँगै जनमतको समेत अपमान गरेको बताएका थिए ।

यस्तै कार्यक्रमा बरिष्ठ अधिवक्त बेन बहादुर कुँवर क्षेत्रीले प्रतिनिधि सभा सर्वोच्चको गर्भमा भएको बताउँदै, उनले सर्वोच्चले संविधानमाथि न्याय गर्दै पुनःस्थापना नै जन्माउने आशा रहेको बताएका थिए ।

उनले अहिलेको संविधानमा अविश्वासको प्रस्ताव राख्न नपाइने र प्रतिनिधि सभा विघटन गर्न नपाइने २ वटा प्रावधान थपेको स्मरण गर्दै प्रधानमन्त्रीले संविधान नपढेको समेत आरोप लगाए ।

यस्तै कार्यक्रममा उच्च अदालत बार एशोसियसनका अध्यक्ष जोगबहादुर खत्रीले संवैधानिक सर्वोच्चत्ता भएको देशमा संविधानको हत्याको प्रयास भएको भन्दै अदालतप्रति भरोसा गर्नुपर्नेमा जोड दिए ।

खत्रीले कानून अध्ययन बढेपनि वकालतमा स्तरीयताप्रति ध्यान दिन विद्यार्थीहरुलाई अपील गरेका थिए । कार्यक्रममा बोल्दै बुटवल बहुमुखी क्याम्पसका प्रमुख डा. खिमानन्द न्यौपानेले आगामी दिनमा क्याम्पसमा कानून संकायलाई विशेष व्यवस्थापन गर्ने बताउँदै विद्यार्थीसँग समन्वयको अपेक्षा राखेको बताए ।

कार्यक्रममा निर्वतमान क्याम्पस प्रमुख शखिशरण सुवेदीअधिवक्ताद्वय पदम कार्की, ज्ञानु केसी, युँवराज कंडेल लगायतले संविधान निर्माण प्रक्रियादेखि हालसम्म धेरैपटक संवैधानिक प्रक्रिया मिचिएको सम्झदैं व्यवस्थापिकाले गरेको कमजोरी अदालतले सच्चाउनेमा विश्वस्त रहेको बताएका थिए ।

कार्यक्रममा कानून संकाय दोस्रो वर्षका लागि प्रयोगात्मक परीक्षाको लागि मुट कोर्ट (अभ्यास अदालत) र विद्यार्थीहरुले अदालतमा गर्ने अभ्यासको लागि विशेष प्रशिक्षण र सहजीकरण समेत गरिएको थियो ।

कार्यक्रममा क्याम्पस प्रमुखबाट निवृत्त भएका पूर्व क्याम्पस प्रमुख शखिशरण सुवेदी र कानून संकाय प्रमुखबाट निवृत्त भएका सालिकराम बन्जाडेलाई मायाको चिनो र दोसल्ला सहित विदाई गरिएको थियो भने नवनियुक्त क्याम्पसप्रमुखलाई स्वागत तथा सम्मान गरिएको थियो ।

लामो समयदेखि निष्क्रिय रहेको कानून संकायका विद्यार्थीहरुलाई समेटेर कानून कल्याण परिषद् गठन गरिएको छ । जसले कानूनसँग सम्बन्धित समस्याहरुलाई क्याम्पस र विद्यार्थीबीच समन्वय गराउने, कानून अध्ययनको लागि आउने विद्यार्थीहरुलाई सहजीकरण गर्ने, प्रयोगात्मक अभ्यास गराउने लगायतका उद्देश्य राखिएको परिषद्का अध्यक्ष शिव डुम्रेले जानकारी दिए ।

कार्यक्रममा केन्द्रीय सदस्य ज्ञानेन्द्र बहादुर कार्की लगायतका नेताले सम्बोधन गर्नु भएको थियो । नेता कार्कीले भने काँग्रेसले समय अनुसार लाभकारी निर्णय लिन सक्नु पर्ने धारणा व्यक्त गर्नु भएको थियो । चुनाव भए काँग्रेस पछि हट्न नहुने कार्कीको भनाइ थियो ।

कार्यक्रममा सहभागी अगुवा नेता तथा कार्यकर्ताले भने काँग्रेस भित्रको लाइन क्लियर नहुँदा जनतामा दुविधा उत्पन्न भएको शिर्ष नेताहरु समक्ष गुनासो पोखेका थिए । कार्यक्रममा पार्टी जिल्ला सभापति राजिब कोइराला लगायतका नेताहरुको उपस्थिति रहेको थियो ।

प्रतिक्रिया दिनुहोस्

LIVE TV