१५ माघ २०७७, बिहीबार
  • दान बहादुर बुढा

माघ, १५ मुगु । हिमाली जिल्ला मुगुमा कोभिड– १९ विरुद्धको कोभिशिल्डको पहिलो खोप जिल्ला अस्पताल मुगुका डाक्डर कविर पौड्यालले शुभारम्भ गरेका छन् ।
बुधबार पहिलो दिन डाक्टर पौड्यालसहित ४० जना स्वास्थ्यकर्मीले खोप लगाएर शुभारम्भ गरेका हुन् ।

सरकारले पहिलो चरणमा कोरोना खोप स्वास्थ्यकर्मी तथा सरसफाइकर्मी लगायत कोभिड १९ महामारी विरुद्धको अग्रपंक्तिमा खटिने व्यक्ति स्वास्थ्यकर्मीहरु लाई लगाउने निर्णय गरे पछि मुगुमा पहिलो खोप डा. पौड्याल र अर्को डाक्टर निर्मल नगरकोटि सहित अन्य स्वास्थ्यकर्मीले लगाएको जिल्ला अस्पताल मुगुले जानकारी दिएको छ ।

खोप लिएपछि डा. पौड्यालले विश्व लाईनै आक्रान्त पारेको अवस्थामा कोरोना विरुद्धको खोपको प्रतीक्षामा सबै स्वास्थ्यकर्मी रहेकामा महामारी शुरु भएको एक वर्षभित्रमा खोप प्राप्त भएपछि सरकारप्रति सकारात्मक सन्देश जाने आस रहेको आफूले लिएको जानकारी दिए ।

बुधबार उद्धघाटनमा जिल्ला अस्पताल मुगुमा ४० जनाले कोरोना भाईरसको कोभिसिल्ड खोप लगाएका छन् । जिल्ला अस्पताल मुगुले दिएको जानकारी अनुसार जिल्ला प्राथमिक स्वास्थ्य केन्द्र , ईकाई स्वास्थ्य केन्द्र लगयात अन्य गरि ७ सय ९४ जना स्वास्थ्य कर्मी रहेको जिल्ला अस्पताल मुगुका डा. निर्मल नगरकोटिले जानकारी दिए ।

उनले भने, ‘मुगुमा २ सय मात्र खोप आएको छ । यो खोप यहाँका स्वास्थ्यकर्मीलाई लगाउन पुग्दैन । यसै समस्यालाई मध्यनजर गर्दै यहाँका पत्रकार, सुरक्षाकर्मी र कोभिड- १९ सम्बन्धि अग्रपंक्तिमा खटिने नागरिकलाई लगाउने गरी १ हजार ५ सय खोप आवश्यक रहेको र त्यही खोप मुगुमा तत्काल झिकाउने प्रयास गरिरहेका छाैँ ।’

बुधबार खोप लगाउन छुटेकालाई बिहीबारबाट समय मिलाएर छायानाथ रारा नगरपालिका र सोरु, खत्याड, मुगुम कार्मारोगं गाउँपालिकाका स्वास्थ्य कर्मचारीलाई समेत लगाइने भएको जनाइएको छ ।

यस्तै बुधबार लगाउन बाँकी रहेका जिल्ला स्वास्थ्य सेवा कार्यालयका कर्मचारी र जिल्ला अस्पतालका कर्मचारीलाई पनि बिहीबारबाट लगाउन शुरु गरिने लामाले बताए ।

प्रतिक्रिया दिनुहोस्

LIVE TV