८ माघ २०७७, बिहीबार

काठमाडौं, ८ माघ । नेपाली राष्ट्रिय क्रिकेट टिमका मुख्य प्रशिक्षक डेभ वाटमोरले नेपाली टिमको वरियता सुधार गर्नुमै आफ्नो ध्यान केन्द्रित रहने बताउनुभएको छ ।बिहीबार काठमाडौंमा सञ्चारकर्मीसंगको अन्तक्र्रियामा उहाँले आफ्नो अनुभव नेपाली क्रिकेट विकास र नेपाली टिमको वरियता सुधार गर्नुमै केन्द्रीत गर्ने बताउनुभएको हो ।

एकदिवशीय क्रिकेटको वरियता सुधार गर्ने मुख्य लक्ष्य हुने उहाँको भनाइ छ । वाटमोरले आफू च्यालेन्ज स्वीकार गरेर नै नेपाल आएको तर्क गर्नुभयो । उहाँले एक बर्षमा टिम खेल्नलाई मात्रै नभई अब जित्नका लागि पनि मैदान उत्रने प्रतिक्रिया दिनुभयो ।

नेपाल क्रिकेट संघ क्यानले गत पुष २ गते वाटमोरलाई एक बर्षका लागि मुख्य प्रशिक्षक नियुक्त गरेको थियो । क्यानले खुल्ला प्रतिष्पर्धाबाट वाटमोरलाई मुख्य प्रशिक्षकमा नियुक्त गरेको हो ।

श्रीलंकाली मुलका अष्ट्रेलियन प्रशिक्षक वाटमोरले सन् १९९६ मा श्रीलंकालाई विश्वकप जिताउनुभएको थियो ।

प्रतिक्रिया दिनुहोस्

LIVE TV