३ माघ २०७७, शनिबार
  • अमर काफ्ले

इनरुवा, ३ माघ । नेपाली काँग्रेस सुनसरीले जिल्लाका सबै स्थानीय तहमा विरोध प्रदर्शन गरेको छ । सदरमुकाम इनरुवाको लोकतान्त्रिक चोकमा विरोध कार्यक्रमको आयोजना गरिएको छ ।र्याली पश्चात आयोजित कोण सभालाई नगर प्रमुख राजन मेहताले सम्बोधन गरेका छन् । सभालाई सम्बोधन गर्दै मेहताले प्रधानमन्त्री केपी शर्मा ओलीले चालेको असंवैधानिक कदम प्रति खेद प्रकट गरे ।

उनले प्रतिनिधि सभा विघटन गर्ने ओलीको असंवैधानिक र अलोकतान्त्रिक कमद विरुद्धको आन्दोलन जारी रहेको बताए । मेहताले पार्टीको निर्देशन अनुरुप आन्दोलनका स्वरुप अघि बढाइने बताए ।

जिल्ला पार्टी कार्यालयका अनुसार नेपाली काँग्रेसले सुनसरीका सबै १२ वटै स्थानीय तहमा विरोधका कार्यक्रम आयोजना गरेको छ । विरोध कार्यक्रमलाई स्थानीय तहमा उपलब्ध नेताहरुले सम्बोधन गरेको नेका सुनसरीले जनाएको छ ।

काँग्रेसले यस अघि देशभरका प्रतिनिधि सभा तर्फको निर्वाचन क्षेत्र र प्रदेश सभा निर्वाचन क्षेत्रमा विरोध प्रदर्शनका कार्यक्रम गरिसकेको छ ।

प्रतिक्रिया दिनुहोस्

LIVE TV