२८ पुष २०७७, मंगलवार

काठमाडौं, २८ पुष । छिमेकी राष्ट्र भारतले कोरोनाभाइरस विरुद्धको खोप यही शनिबारदेखि आम सर्वसाधारणलाई प्रदान गर्न थाल्ने भएको छ ।

बेलायतको अक्स्फोर्ड विश्वविद्यालय र अष्ट्राजेन्काले विकास गरेको ‘कोभिसिल्ड’ नाम दिइएको कोरोना भ्याक्सिनलाई भारतको सेरम इन्स्टिच्युट पुणेको कारखानामा उत्पादन भइरहेको छ ।

भारत सरकारले जुलाईसम्ममा करिब ३० करोड मानिसलाई सोही कोरोना भ्याक्सिन दिने तयारी शुरु गरेको हो । भारत विश्वमै सबैभन्दा बढी जनसंख्या भएको दोस्रो मुलुक हो ।

आज (मंगलबार) बिहानै तापक्रम नियन्त्रण गरिएका तीन वटा ट्रक सेरमको फ्याक्ट्रीमा पुगेका थिए । उक्त ट्रकका अगाडि फूलमालाले सजाइएको थियो ।

समाचार संस्था पीटीआईका अनुसार उक्त ट्रकमा ४७८ बक्सा भ्याक्सिन लोड गरिएको थियो । एउटा बक्साको तौल ३२ केजी हुनेछ ।

पुणेको फ्याक्ट्रीबाट विमानस्थल जानुअघि उक्त ट्रकमा नरिवल फुटाएर पूजाआजा गरिएको थियो । पुणे विमानस्थलबाट जहाजमा राखेर भ्याक्सिन राजधानी दिल्ली, चेन्नई, कोलकाता, गुवहाटी, शिलांग, अहमदाबाद, हैदरााद, विजयवाडा, भुवनेशवर, पटना, बेंगलुरु, लखनऊ, चंढीगडसहित अन्य १३ शहरमा पु¥याइएको बताइएको छ ।

पहिलो ३ करोड भ्याक्सिन अंग्रपक्तिमा खटिएका स्वास्थ्यकर्मी र अरूलाई दिइने भएको छ । त्यसपछि ५० वर्ष कटेका २ करोड ७० लाख मानिसलाई भ्याक्सिन लगाइने बताइएको छ ।

सेरम इन्स्टिच्यूटले भारतमा आफूले उत्पादन गरेको खोप व्यक्ति र संस्थालाई पनि बेच्ने गरी अनुमति पाएको छ । सेरमको खोप भारतमा भारु १००० तोकिएको छ ।

प्रतिक्रिया दिनुहोस्

LIVE TV