चिनियाँ रक्षामन्त्री आज एकदिने भ्रमणमा काठमाडौँ आउँदै



प्रकाशित मिति : Nov 29, 2020

काठमाडौँ, १४ मंसिर ।  उत्तरी छिमेकी मुलुक चीनका राज्य परिषद् सदस्य तथा रक्षामन्त्री वेई फेङ्ही आज आइतबार एकदिने भ्रमणमा काठमाडाैँ आउनुहुने भएको छ । शनिबार बिहान मात्र चिनियाँ सरकारले उहाँको औपचारिक भ्रमणको घोषणा गरेको थियाे ।

एकदिने भ्रमणमा फेङहीले राष्ट्रपति विद्यादेवी भण्डारी तथा प्रधानमन्त्री एवं रक्षामन्त्री केपी शर्मा ओली, उपप्रधानमन्त्री ईश्वर पोखरेल तथा सुरक्षा निकायका प्रमुखसँग भेट्ने कार्यक्रम छ । सुरक्षा निकायमा भने विशेषगरी फेङ्हीले प्रधान सेनापति पूर्णचन्द्र थापालाई भेट्नुहुनेछ ।

चिनियाँ जनमुक्ति सेनाका प्रमुखसमेत रहेका रहनुभएका फेङ्ही आइतबार बिहान नेपाल आउनुहुने र आइतबारै नै नेपालबाट बंगलादेश जानुहुने बताइएको छ ।

२०७६ कात्तिक १ देखि ६ गतेसम्म चीनको भ्रमण गर्नुभएका उपप्रधान तथा तत्कालीन रक्षामन्त्री ईश्वर पोखरेलले उहाँलाई कात्तिक ३ गते नेपाल भ्रमणको निम्तो दिनुभएको थियो । उहाँले निमन्त्रणालाई स्वीकार गर्दै उपयुक्त समयमा नेपाल भ्रमण गर्ने बताउनुभएको थियो ।

 


प्रतिक्रिया दिनुहोस्
Copyright © 2018 All rights reserved by NBC.
Designed by appharu.com