१५ आश्विन २०७७, बिहीबार
  • रामगोपाल तमखु

भक्तपुर, १५ असोज । भक्तपुरको सल्लाघारी स्थित ईवामुरा अस्पतालमा घाँटी दुखेर उपचार गर्न गएका व्यक्तिको उपचारमा अस्पतालले लापरवाही गरेको आफन्तले आरोप लगाएका छन् ।

बिरामीको उपचारमा लापरवाही गरि सामान्य बिरामीलाई भ्यान्टिलेटरमा पुर्याइउको भन्दै बिरामीका आफन्तहरुले अस्पतालमा धर्ना दिएका छन् । भक्तपुर नगरपालिका ७ चोर्चाका हाल त्याम्हासिहँ बस्ने ४७ वर्षीया लक्ष्मीकुमारी लाखाजुको उपचारको क्रममा लापरवाही गरेको भन्दै उनका आफन्तहरुले अस्पतालमा आज बिहान देखि नाराबाजी गर्दै धना दिईरहेका छन् ।

सामान्य घाँटी दुखेर ईवामुरा अस्पतालमा हिडेर नै उपचारका लागि अस्पताल पुगेका लाखाजुको असोज ९ गते इन्डोस्कोपी गर्ने क्रममा डाक्टरको लापरवाहीका कारण स्वास्थ्य अवस्था बिग्रिएको बिरामीका भाई विजेश लाखाजुले बताएको छ ।

विरामीको स्वास्थ्य अवस्था विग्रिए पछि थप उपचारका लागि नर्भिक अस्पतालको भेन्टिलेटरमा उपचार भइरहेको आफन्तले बताएको छन् । पीडिकका आफन्तहरुले ईवामुरा अस्पतालको लापरवाहीले सामान्य विरामी भेन्टिलेटरमा पुगेको भन्दै निशुल्क उपचारको माग गर्दै धर्ना बसेको हुन ।

LIVE TV