चन्द्रपुर नगरपालिकामा आंशिक रुपमा विद्यालय खुल्ने



प्रकाशित मिति : Sep 27, 2020
  • बाल बिक्रम कार्की

रौतहट, ११ असोज । रौतहटको चन्द्रपुर नगरपालिकाले आशिंक रुपमा खुल्ने भएका छन् । नगरपालिकाको नगर शिक्षा समितिले विद्यार्थी सिकाइ सहजिकरण निर्देशिका २०७७ र कोरोना भाइरसको सन्दर्भमा डब्लुएचओले निर्धारण गरेका स्वास्थ्य सम्वन्धि न्यूनतम मापदण्डको अवलम्वन गरेर विद्यालय खोल्न दिने निर्णय गरेको हो ।

सो निर्णयअनुसार आजदेखि नगरपालिकाका विद्यालयहरु खुल्ने र शिक्षकहरु अनिवार्य रुपमा विद्यालयमा उपस्थित भइ शैक्षिक शत्र २०७७ को चैत्र मसान्त सम्मको विषयगत शैक्षणिक कार्ययोजना निमार्ण गरि प्रधानअध्यापक समक्ष पेश गर्नुपर्ने नगरपालिकाको शिक्षा,युवा तथा खेलकुद शाखा प्रमुख दिपेन्द्र कुमार मण्डलले जानकारी दिनुभयो ।

उहाँले हाललाई विद्यालयमा एकपटकमा बढिमा २५ जना विद्यार्थी उपस्थित हुनेगरी समुहगत रुपमा कक्षा ८, ९ र १० कक्षाहरु संचालन हुने बताउनुभयो । यसरी विद्यालयहरुले कक्षा संचालन गर्दा शिक्षक र विद्यार्थीहरु अनिवार्यरुपमा मास्कको प्रयोग गर्ने , विद्यालयको हाता भित्र हात धुने साबुन पानिको व्यवस्था गर्ने, कक्षाकोठा दैनिक रुपमा सेनिटाइज गर्ने र एउटा वेन्चमा दुई जना मात्र विद्यार्थी बस्ने व्यवस्था मिलाउनुपर्ने नगर प्रमुख रामचन्द्र चौधरीले बताउनुभयो ।

सो मापदण्ड पालना गरिएको नगरिएको नगरपालिकाले अनुगमन गर्ने र पालना नगर्ने विद्यालयलाई कारवाही गरिने उहाँले चेतावनी दिनुभयो ।


प्रतिक्रिया दिनुहोस्
Copyright © 2018 All rights reserved by NBC.
Designed by appharu.com