७ बैंकहरुले ब्याजदर सार्बजनिक गरे, कुन बैंकले कति ब्याज दिने ?



प्रकाशित मिति : Sep 16, 2020

काठमाडौं, ३१ भदौ । सरकारको स्वामित्वमा रहेको राष्ट्रिय बाणिज्य बैंकसहित ७ बैंकहरुले ब्याजदर सार्बजनिक  गरेका छन् । बैंकहरुले आफूसँग कारोबार गर्दा ग्राहकहरुले पाउने निक्षेप र कर्जाको ब्याजदर सार्वजनिक गरेका हुन् ।

ब्याजदर सार्वजनिक गर्ने बैंकहरुमा राष्ट्रिय वाणिज्य बैंक, नेपाल क्रेडिट एण्ड कमर्श बैंक, सनराइज बैंक, हिमालयन बैंक, नेपाल एसबीआई बैंक, एभेरेष्ट बैंक र स्टाण्डर्ड चार्टड बैंक रहेका छन् । जसमा उनीहरुले पछिल्लो समयको ब्याजदर उल्लेख गरेका छन् ।

वाणिज्य बैंक

राष्ट्रिय वाणिज्य बैंकले साधारण निक्षेपमा ३ प्रतिशतदेखि ५ प्रतिशतसम्म ब्याज दिने जनाएको छ । उसले मुद्धति निक्षेपमा व्यक्तिगत ६ प्रतिशत र संस्थागत ५ प्रतिशतदेखि अधिकतम् ७.२५ प्रतिशतसम्म ब्याज दिने जनाएको छ । त्यस्तै राष्ट्रय बाणिज्य बैंकले कर्जातर्फ बेष्ट रेटमा न्युनतम् १.२५ प्रतिशतदेखि अधिकतम् ३.२५ प्रतिशत लिने जनाएको छ । ।

एभरेष्ट बैंक

एभरेष्ट बैंकले पनि आफ्नो ब्याज सार्वपनिक गरेको छ । उसले साधारण निक्षेपमा २.५० प्रतिशतदेखि ४.५० प्रतिशतसम्म ब्याज दिने जनाएको छ । उसले मुद्धति निक्षेपमा ५.५० प्रतिशतदेखि ७.२५ प्रतिशतसम्म ब्याज दिने उल्लेख गरेको छ । कर्जातर्फको ब्याज बेस रेटमा २ देखि ५ प्रतिशतसम्म प्रिमियम थपेर लिने बताएको छ ।

स्टाण्डर्ड चार्टर्ड

स्टाण्डर चार्टर्ड बैंकले पनि आफ्नो ब्याजदर सार्वजनिक गर्दै साधारण निक्षेपमा ३ प्रतिशतदेखि ५ प्रतिशतसम्म ब्याज दिने जनाएको छ । उसले मुद्धति निक्षेपमा अधिकतम् ६.७५ प्रतिशतसम्म ब्याजदर दिने जनाएको छ ।
कर्जातर्फ उसले बेष्ट रेटमा २ प्रतिशतदेखि ७.२५ प्रतिशतसम्म प्रिमियम जोडेर लिने जनाएको छ ।

हिमालय बैंक

यस्तै हिमालय बैंकले पनि आफ्नो ब्याजद सार्वजनिक गर्दै साधारण निक्षेपमा २ प्रतिशतदेखि ५ प्रतिशतसम्म ब्याज दिने जनाएको छ । त्यस्तै उसले मुद्धति निक्षेपमा ३ प्रतिशतदेखि ७.२५ प्रतिशतसम्म ब्याज दिने जनाएको छ ।

एनसीसी बैंक

एनसीसी बैंकले पनि ब्याजदर सावैजनिक गर्दै साधारण निक्षेपमा ५ प्रतिशतसम्म र मुद्धति निक्षेपमा ८.२५ प्रतिशतसम्म दिने जानएको छ । कर्जा तर्फ भने एनसीसीले बेसरेटमा २ देखि ५ प्रतितशसम्म प्रिमियम लिने बैंकले जनाएको छ ।

सनराइज बैंक

सनराइज बैंकले ब्याजदर सार्वजनिक गर्दै साधारण निक्षेपमा २.५० प्रतिशतदेखि ४.५० प्रतिशतसम्म र मुद्धति निक्षेपमा ७.७५ प्रतिशतसम्म दिने जनाएकभो छ। उसले कर्जातर्फ बेस रेटमा ५ प्रतिशतसम्म प्रिमियम जोडेर लिने जनाएको छ ।

एसबीआई बैंक

नेपाल एसबीआई बैंकले साधारण निक्षेपमा अधिकतम ५ प्रतिशतसम्म दिने सुचनामा भनेको छ । उसले मुद्दति निक्षेपमा ७.२५ प्रतिशतसम्म ब्याज दिने उल्लेख जनाएको छ। एसबीआई बैकले कर्जामा भने बेस रेटमा १.५ देखि ५ प्रतिशतसम्म प्रिमियम जोडेर लिने जनाएको छ ।


प्रतिक्रिया दिनुहोस्
Copyright © 2018 All rights reserved by NBC.
Designed by appharu.com