२४ भाद्र २०७७, बुधबार

काठमाडौं, २४ भदौ । कोरोना महामारी रोकथाम तथा नियन्त्रणका लागि भदौ तीन गतेदेखि काठमाडौं उपत्यकामा लागू गरिएको निषेधाज्ञा केही खुकुलो पारिएको छ ।

आज ९बुधबार० काठमाडौं, ललितपुर र भक्तपुरका प्रमुख जिल्ला अधिकारीले पसल र सवारी साधन पनि सञ्चालन गर्ने गरी निषेधाज्ञाको आदेश जारी गरेका हुन् । विहीबार (भोलि)देखि शर्तसहित व्यापार/व्यवसाय र यातायात क्षेत्र खुल्ने भएको छ ।

सार्वजनिक र निजी यातायातमा जोर÷बिजोर लागू गरिएको छ, भने ब्यापार/व्यवसायलाई शर्तसहित खोल्न दिने निर्णय भएको छ । तर होटल रेष्टुराँ, सिनेमा हल, क्लब तथा अन्य मनोरञ्जन स्थल भने बन्द नै रहने छन् ।

जारी निषेधाज्ञा केही खुकुलो बनाइएपनि महोत्सवमा सहभागी हुन, मन्दिर र चर्चमा नित्य पूजाबाहेक गतिविधि गर्न, कलकारखाना र व्यवसयायमा भीडभाड हुने काम गर्न, भेला हुन, जुलुस गर्न, भीडभाड गर्न पाइने छैन ।

साथै, शैक्षिक संस्था सञ्चालन गर्न, गोष्ठी गर्न, सिनेमा घर खुला गर्न, शैलुन, ब्यूटी पार्लर स्पा सञ्चालन गर्न, पुस्तकालय, चिडियाखाना खोल्न र स्वास्थ्य मापदण्ड विपरित श्रमिक र कामदार ओसारपसार गर्न पनि पाइने छैन । पछिल्लो पटक (आज) थप गरिएको निषेधाज्ञा भदौं ३१ गते राति १२ बजेसम्मका लागि लागू हुनेछ ।

निषेधाज्ञा आदेशको पूर्णपाठ :

[pdf-embedder url=”https://www.news24nepal.tv/wp-content/uploads/2020/09/s1_converted1.pdf” title=”s1_converted(1)”]

LIVE TV