६ भाद्र २०७७, शनिबार

जनकपुरधाम, भदौ ६ गते । धनुषाको क्षिरेश्वर नगरपालिकामा दुई समूहबीच झडप हुँदा ६ जना घाइते भएका छन् । क्षिरेश्वर नगरपालिका वडा नम्बर १० हारसरमा दुई समूहबीचको फूटबल खेलपछि भएको झडपमा परी उनीहरु घाइते भएका हुन् ।

हारसरको पूरबारी टोल तथा पछबारी टोल बीचको फूटबल खेलपछि खेलाडीहरु पानी खाई रहेको समयमा भनाभन् भएपछि झडप भएको बताईएको छ । झडपमा परी हारसर पछबारी टोलका पूजन चौधरी, दीप नारायण चौधरी, विरेन्द्र चौधरी, रामकरण चौधरी, विनोद साह र अभिषेक चौधरी रहेका छन् ।

घाइतेमध्ये एक जनालाई उपचारका लागि धरान रेफर गरिएको छ भने बाँकीको उपचार स्थानीय स्वास्थ्य संस्थामा भईरहेको महेन्द्रनगर ईलाका प्रहरी कार्यालयका सई मोहम्मद मुस्तुफाले जानकारी दिनुभयो ।

कुटपीटमा संलग्न युवाहरु अहिले फरार रहेको उहाँले जानकारी दिनुभयाे। सई मुस्तुफाले भन्नुभयाे- ‘गाउँको दुई टोलबीचको विवाद रहेकोले झन उग्र रुप लिन नदिनका लागि संयमता साथ घटना सम्बन्धमा अनुसन्धान गरिरहेका छौँ ।’ उहाँले घटनाको अनुसन्धानको क्रममा दोषीलाई चाँडै नै पक्राउ गर्ने बताउनुभयो।

प्रतिक्रिया दिनुहोस्

LIVE TV