२ भाद्र २०७७, मंगलवार

एजेन्सी, ०२ भदौ । मेक्सिकोका राष्ट्रपति एन्ड्रिस मनुएल लोपेज ओब्राडोरले पनि रूसको भ्याक्सिन लगाउन आफू तयार रहेको बताएका छन् । यस अघि फिलिपिन्सका राष्ट्रपति रोड्रिगो दुतेर्तेले आफू रूसी खोप लगाउन तयार रहेको बताएका थिए ।मेक्सिकोका राष्ट्रपति ओब्राडोरले भनेका छन्, ‘यदि रूसी खोप प्रभावकारी साबित भयो भने म आफैं भ्याक्सिन लगाउन अगाडि आउने छु। रुसले दुई महिनाको परीक्षणपछि खोपको उत्पादनलाई अनुमति दिएको छ । यस खोपको पहिलो ब्याच पनि उत्पादन गरिएको छ।

यद्यपि छोटो समयमा खोपको उत्पादनलाई अनुमोदन गर्ने बारेमा अन्तर्राष्ट्रिय संसार चिन्ता व्यक्त गरिरहेका छन् । धेरै वैज्ञानिकहरूले रूसले सुरक्षामा राष्ट्रिय गौरवलाई प्राथमिकता दिदैनकी भनेर चिन्ता व्यक्त गरेका छन् । केही वैज्ञानिकहरू भन्छन्, क्लिनिकल परीक्षण १० प्रतिशत मात्र सफल छन्।

आफ्नो दैनिक प्रेस सम्मेलनमा लोपेज ओबदारले यो खोपको बारेमा भनेका छन, ‘म पहिलो खोप लिने व्यक्ति हुने छु।’ यसैबीच, खोपहरू बनाउने दौड विश्वभरका देशहरूमा भइरहेको छ। मेक्सिको र अर्जेन्टिना सरकारले औषधि निर्माता एस्ट्राजेनेकासँग खोपको उत्पादनको लागि सम्झौता गरेको जनाइएको छ।

मेक्सिकोका उप विदेश मन्त्रीले भने, यदि मानव परीक्षणको तेस्रो चरण सफल भयो भने मेक्सिकोलाई २० करोड डोज आवश्यक पर्नेछ।

मेक्सिकोमा हालसम्म ५ लाख २२ हजार १ सय ६२ संक्रमितको घटनाहरू रिपोर्ट गरिएको छ। सरकारी तथ्यांकका अनुसार ५६ हजार ५ सय ७७ जना कोरोनाबाट ज्यान गएको छ ।

प्रतिक्रिया दिनुहोस्

LIVE TV