२८ श्रावण २०७७, बुधबार
  • ज्योति कुमार पन्थी

गुलरिया, २८ साउन । नेपाल बिद्युत प्राधिकरण गुलरियाको चरम लापर्वाहीका कारण स्थानीयहरू मर्कामा परेका छन्। अनाधिकृत रूपमा तारहरू जडान हुँदा जोखिम समेत बढेको छ ।

बिद्युत प्राधिकरण गुलरिया बितरण केन्द्रले गुलरिया बजार क्षेत्रमा नै गाडिएको बिजुलीका पोलमा जडान गरिएका तारहरू लथालिंग अवस्थामा छोडेका कारण दुर्घटना घट्न सक्ने सम्भावना रहेको स्थानीयहरुको गुनासो रहेको छ । गुलरिया नगरपालिका वडा नं ५ स्थित सन्तोषी टोलमा गाडिएका पोलमा तार अनाधिकृत रूपमा छोडेका कारण कुनैदिन दुर्घटना घट्न सक्ने र पटक पटक बिद्युत प्राधिकरणमा जानकारी गराउ्रँदा समेत प्राधिकरणले सुनुवाई नगरेको गुलरिया नगरपालिका वडा नं ५ का स्थानीय बासिन्दा सन्तोष श्रेष्ठले बताउनुभयो ।

विद्युत प्रधिकरणलाई पटक पठक जानकारी गराउँदा पनि प्रािधकरणले वेवास्था गरेको स्थानीयको आरोप छ । तार समेत भुईबाट छुने अवस्थामाछ , कुनै घटना घटे त्यसको जिम्मा कसले लिने, स्थानीय सन्तोष श्रेष्ठले भन्नुभयो । पछिल्लो समय नेपाल बिद्युत प्राधिकरण गुलरिया बितरण केन्द्रमा कर्मचारी र प्रमुख बिचमा नै समन्वय नहुँदा यस्ता समस्याको निराकरण हुन सकेको छैन । साथै स्थानीयले समस्याका विषयमा कर्मचारीहरूलाई जानकारी गराउदा कसैले पनि जवाफ दिदैनन् ।

प्रतिक्रिया दिनुहोस्

LIVE TV