२८ श्रावण २०७७, बुधबार

एजेन्सी, २८ साउन । फ्रान्सका प्रधानमन्त्री जीन कास्टेक्सले फ्रान्स गत दुई सातादेखि गलत दिशामा गइरहेको अभिव्यक्ति दिएका छन् ।फ्रान्सका स्वास्थ्य मन्त्रालयका अनुसार फ्रान्समा मंगलबार एक हजार ३ सय ९७ कोरोना संक्रमणको नयाँ घटनाहरु देखिएको छ । जुन सोमबारको तथ्यांक भन्दा लगभग दोब्बर रहेको छ। पछिल्लो हप्ता १० हजार ८ सय नयाँ संक्रमणहरु फेला परेका छन् ।

मंगलबार एक प्रेस सम्मेलनमा फ्रान्सेली प्रधानमन्त्रीले स्थानीय अधिकारीहरूलाई सकेसम्म सार्वजनिक स्थानहरूमा मानिसहरुलाई मास्क लगाउन अनिवार्य बनाउन आग्राह गरेका छन् । त्यहाँ सार्वजनिक यातायात, पसल, सरकारी कार्यालय र पर्यटन स्थलहरूमा मास्क लगाउन अनिवार्य गरिएको छ।

प्रधानमन्त्रीले अक्टोबर ३० सम्म त्यहाँ पाँच हजार भन्दा बढी मानिसहरु जम्मा हुन नदिने निर्णय गरेका छन् । यो प्रतिबन्ध यस महिनाको अन्त्यसम्ममा हटाउनु पर्ने थियो, तर दक्षिणी फ्रान्समा एक सातामा १० हजार मानिस रभ पार्टीमा जम्मा भएपछि सरकारले यो कदम उठाएको जनाइएको छ।

प्रतिक्रिया दिनुहोस्

LIVE TV