२८ श्रावण २०७७, बुधबार

काठमाडौं, २८ साउन । चर्चित र्‍यापर एलिश नेपकिङले फरक शैलीमा तयार भएको ‘जे पनि चल्छ, जहाँ पनि चल्छ’ बोलको नयाँ गीत सार्वजनिक गरेका छन् । ग्याङ्गस्टर र्‍यापको नाम दिएका उनले यस गीतलाई आफ्नै अफिसियल युट्यूव च्यानलमार्फत् सार्वजनिक गरेका हुन् ।

र्‍यापर एलिशले नेपालमा ग्याङ्गस्टर र्‍यापको परिभाषा फरक तरिकाले प्रस्तुत गर्न खोजेको बताएका छन् । गीतमा उनीसँगै एक्स सरकार र एक्स ट्रिक्सको पनि आवाज रहेको छ ।

गीतको भाव नेपाली समाजको घटनाक्रमतर्फ केन्द्रित भएको देखिन्छ । सार्वजनिक गीतको भिडियोमा पछिल्लो युवा पुस्ता र समाजमा घटिरहेका घटनाक्रमलाई प्रस्तुत गर्न खोजिएको छ ।

गीत र भिडियो दुबैले कसैलाई पनि असर नपरोस् भन्ने सोचका साथ र्‍यापर एलिश नेपकिङले १८ बर्ष माथिका लागि मात्र रहेको बताएका छन् ।

गीतको भिडियोलाई सुरेन्द्र गुरुङ हाकिमले निर्देशन गरेका हुन् । प्रविन श्रेष्ठको सम्पादन रहेको उक्त भिडियोलाई सुजन श्रेष्ठले छायाङकन गरेका हुन् ।

तीन वटा एल्बम गरिसकेका उनले सीमित तर, धेरै दर्शक श्रोताको मन मस्तिष्कमा बस्न सफल गीत दिइसकेका छन् । उनका् फर्केर आउदिन, नाचन कान्छीलगायत थुप्रै लोकप्रिय गीतहरु बजारमा आइसकेका छन् ।,

प्रतिक्रिया दिनुहोस्

LIVE TV