२८ श्रावण २०७७, बुधबार
  • रामहरि गजुरेल

नुवाकोट, २८ साउन । कोरोना संक्रमणपछिको बन्दाबन्दीका कारण विगत वर्षहरुको तुलनामा चिलिमे हाइड्रोपावर कम्पनी घाटामा परेको छ । कम्पनीले सार्वजनिक गरेको विवरण अनुसार अघिल्लो वर्ष यसैअवधिमा चिलिमेले ७४ करोड ६२ लाख ८ हजार रुपैयाँ खुद नाफा कमाएकोमा कम्पनीले नाफा ०.२५ प्रतिशतले मात्रै बढेर ७४ करोड ८० लाख ५९ हजार रुपैयाँ पुगेको छ ।

कम्पनीले सार्वजनिक गरेको आर्थिक वर्ष २०७६\०७७ को चौथो त्रैमासको वित्तीय विवरण अनुसार चिलिमेको नाफा अघिल्लो वर्षको तुलनामा सामान्य मात्र बृद्धि भएको हो ।
यस वर्ष लकडाउनका कारण नेपाल विद्युत प्राधिकरणलाई कन्ट्रयाक्ट भन्दा धेरै उत्पादन भएको इनर्जी बिक्री गर्न नसक्दा नाफा प्रभावित भएको र लक्ष्यअनुसार आम्दानी गर्न नसकेको हो ।

  रसुवा जिल्लास्थित चिलिमे इड्रोपावर

पछिल्लो चार महिनाका अवधिमा विद्युत् बिक्रीबाट हुने आम्दानी २.५४ प्रतिशतले घटेको छ । अघिल्लो वर्ष विद्युत् बिक्रीबाट १ अर्ब १७ करोड ४ लाख ३२ हजार रुपैयाँ आम्दानी गरेको चिलिमेले यो वर्ष १ अर्ब १४ करोड ७ लाख ३९ हजार रुपैयाँ मात्र कमाएको चिलिमेको भनाई छ । चौथो त्रैमास सम्ममा चुक्ता पुँजी २० प्रतिशतले ले बढेर ५ अर्ब ७० करोड ९७ लाख ६३ हजार रुपैयाँ पुगेको छ । प्रतिसेयर आम्दानी २ रुपैयाँ ५८ पैसाले घटेर १३ रुपैयाँ १० पैसा भएको छ । चिलिमेको प्रतिसेयर नेटवर्थ १७५ रुपैयाँ २४ पैसा रहेको छ ।

कम्पनीले उत्पादन गरेको सबै विद्युत बिक्री गर्न नसक्दा उल्लेख्य नाफा गर्न नसकेको कम्पनील जनाएको छ । लक डाउनका कारण नेपाल विद्युत प्राधिकरणलाई सम्झौता भन्दा बढी विद्युत बिक्रि गर्न नपाएको चिलिमेको भनाइ छ ।

हाल रसुवास्थित स्याफ्रुवेशी २१ मेगावाटको चिलिमे जलविद्युत् आयोजनाबाट विद्युत् उत्पादन गर्दै आइरहेको छ । त्यसैगरी चिलिमे जलविद्युत् कम्पनीको प्रवद्र्धित आयोजनाको रुपमा रसुवागढी जलविद्युत आयोजना १११ मेगावट, ४२ मेगावाटको साञ्जेन र माथिल्लो साञ्जेन ३७ मेगावाट आयोजना निर्माण गरिरहेको छ । उक्त आयोजनाहरु निर्माणको अन्तिम चरणमा पुगेको छ ।

प्रतिक्रिया दिनुहोस्

LIVE TV