२८ श्रावण २०७७, बुधबार

एजेन्सी, २८ साउन । सामाजिक सद्भाव भड्कीने गरि फेसबुकमा पोष्ट गरेपछि भारतमा झडप हुँदा २ को मृत्यु भएको छ । बैंगलोरमा भएको उक्त झडपमा स्थिती नियन्त्रणमा ल्याउन प्रहरीले गोली चलाउदा उनीहरुको मृत्यु भएको हो ।

प्रदर्शनकारीले गरेको ढुंगामुढाले लागेर दर्जनौं प्रहरी घाइते भएका छन् । भारतीय काँग्रेसका सांसद श्रीनिवास मूर्तिका नाथेदार पर्ने नवीन भन्ने व्यक्तिले फेसबुकमा मुस्लिम समुदायको भावनामा ठेस पुग्ने गरी लेखेको पोष्टले सो झडपको स्थिती सृजना गरेको थियो ।

पोष्टपछि स्थानीय मुस्लिम समुदाय विरोधसँगै प्रदर्शनमा उत्रिएको थियो । प्रहरीले ११० प्रदर्शनकारीलाई नियन्त्रणमा लिएको बताइएको छ । प्रदर्शनकारीले सासद श्रीनिवास मूर्तिको घरमा ढुगामुढा गरेर क्षति पुर्याएका छन् ।

प्रतिक्रिया दिनुहोस्

LIVE TV