कुवेतले झण्डै ४ लाख आप्राबासी कामदार कटौती गर्ने



प्रकाशित मिति : Aug 12, 2020

एजेन्सी, २८ साउन । नेपालीहरुको प्रमुख बैदेशिक रोजगारीको गन्तव्य कुवेतले झण्डै ४ लाख आप्राबासी कामदार कटौती गर्ने भएको छ । कुवेत सरकारले संसदीय मानव संसाधन विकास समितिसँगको बैठकले जनसांख्यिकीय असंतुलनलाई सम्बोधन गर्दै यो निर्णय गरेको हो । उसले यससम्बन्धी योजनाको पूर्ण रूपरेखा नै तयार पारेको छ ।

समितिको प्रतिनिधित्व कुवेतका सामाजिक मामिला मन्त्री र आर्थिक मामिला राज्यमन्त्रीले गर्नुभएको थियो । सो समितिले यही हप्ताभित्र प्रतिवेदन पेश गर्ने गर्नेछ । प्रतिबेदन अनुसार कुवेतमा रहेका अवैधानिक एकलाख आप्राबासी कामदारसहित ३ लाख ६० हजार कटौती गर्ने प्रस्ताव उल्लेख छ । सीपविहीन १ लाख ५० हजार र ६० बर्ष भन्दा माथिका ९० हजार आप्रबासी काममदार पनि कटौटीको लिस्टमा पर्ने प्रतिवेदनमा उल्लेख छ ।

जसमा नेपाली सहित अन्य जुनसुकै मुलुकका कामदार पर्नेछन् । अहिले पनि कोभिड १९ को महामारीका कारण कम्पनीहरु बन्द भएका कारण धेरै नेपालीहरुको रोजगार गुमिसकेको छ ।


प्रतिक्रिया दिनुहोस्
Copyright © 2018 All rights reserved by NBC.
Designed by appharu.com