२७ श्रावण २०७७, मंगलवार
  • भगतराम थारु,

नेपालगञ्ज, २७ साउन । पछिल्लो समय थारु गीत संगीतले पनि बजारमा तीब्र रुपमा चर्चा चल्न थालेको छ । लकडाउन खुकुलो बएसँगै म्युजिक भिडियोहरु धमाधम छायाङंकन हुन थालेका छन् ।

यसैबीच बर्दियाको बेलवा भन्ने ठाउँमा छायाङंकन सम्पन्न गरिएको ‘तुल्सीपुरके बजारैमा’ भन्ने थारु गीतको भिडियो सार्वजनिक हुने भएको छ । सुटिङ युनिटले उक्त गीतको म्युजिक भिडियो मंगलवार सार्वजनिक गरिने जनाएको हो ।

यसरी एकपछि अर्को थारु गीतहरु सार्वजनिक हुन थालेपछि थारु समुदाय उत्साहित भएका छन । ‘तुल्सीपुरके बजारैमा हा हमार भेट हुइना, भेट हुइला हुइला, साली हो बर्खाक झरीमा’ थारु गीतको म्युजिक भिडियो आज सार्वजनिक गर्न लागिएको हो ।

गायक खेम भैगरियाको प्रस्तुति रहेको ‘तुल्सीपुरके बजारैमा’ थारू गीतमा गायक तिर्थमान पुन र गायिका लक्ष्मी चौधरीको शब्द तथा संगीत रहेको छ ।

भिडियोमा चर्चित मोडल बिबस जीएच, सन्जिता सुन कुसुम्या, टेकेन्द्र शाही, दीपिका चौधरी, शिशिर धम्लहवा, झरना चौधरी, मिलन बिक, अनुस्का चौधरीलगायत कलाकारहरुले अभिनय रहेको छ ।

वाईएस मिडियाको ब्यानरमा निर्माण गरिएको उक्त म्युजिक भिडियोलाई बिबश चौधरी र सन्देश चौधरीले निर्देशन गरेका हुन् । भिडियोलाई यम बहादुर थारुले छायाङ्कन गरेका हुन् ।

प्रतिक्रिया दिनुहोस्

LIVE TV