२३ श्रावण २०७७, शुक्रबार

काठमाडौं, २३ साउन । नेपाली कांग्रेसका नेता गगनकुमार थापाले कोरोना महामारीको समयमा पनि कांग्रेसले आसन्न महाधिवेशनको तयारीलाई तीब्र पार्ने निर्णय गरेको बताउनुभएको छ ।

न्यूज २४ टेलिभिजनको नियमित प्रस्तुति ‘६ प्रश्न’मा बोल्दै नेता थापाले केन्द्रीय समितिको अघिल्लो बैठकले कार्यतालिका सार्वजनिक गरिसकेपछि पार्टीको महाधिवेशनको गतिविधिहरु सबै अगाडि बढिसकेको बताउनुभएको हो ।

उहाँले भन्नुभयो, ‘यद्यपि कोरोना संक्रमण फैलिदै गयो, कतिपय ठाउँमा सामान्य कार्यक्रमहरु गर्नका लागि समेत अफ्ठ्यारो पर्दै जाँदाखेरी त्यसले स्वभाविक रुपमा प्रभाव पनि गर्छ र त्यतिखेरको जिम्मेवारी आफूलाई स्वास्थ्य सुरक्षाको सतर्कताहरु अवलम्बन गर्नुपर्ने र नागरिकहरुप्रति हाम्रो कर्तव्य पनि त्यतातिरै जान्छ ।’

उहाँले थप्नुभयो, ‘अहिलेको लागि भीडभाड नगरिकन कतिपय हाम्रो गतिविधिहरु चलिरहेको छ । त्यसैगरी हाम्रो गतिविधिहरु अगाडि बढाउने भन्ने हिजो फेरि निर्णय भएको छ । त्यसरीनै अगाडि बढ्छ ।’

महाधिवेशन नजिकिदै गर्दा कांग्रेसमा चलिरहेको विवादको विषयमा केही नयाँ समझदारीहरु भएको पनि नेता थापाले जानकारी दिनुभयो ।

कुराकानी विस्तृतमा :

प्रतिक्रिया दिनुहोस्

LIVE TV