२४ असार २०७७, बुधबार

काठमाडौं, २४ असार । कोरोना भाइरस कोभिड १९ बाट संक्रमितको संख्या दिनानुदिन घट्दै जाँदा निको भएर डिस्चार्ज हुनेहरुको संख्या पनि हरेक दिन उत्साहजनकरुपमा थपिदो छ ।

पछिल्लो २४ घण्टामा २ सय ५५ जना संक्रमित फेला पर्दा निको हुनेको संख्या पनि हाराहारीमा अर्थात २ सय ५३ रहेको छ ।

File Picture

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरबाट ३ सय ५३ निको हुँदा डिस्चार्ज हुनेहरुको कुल संख्या ७ हजार ७ सय ५२ पुगेको छ ।

यसैबीच ७७ वटै जिल्लामा संक्रमण फैलिएकोमा हिजो मंगलबार चार जिल्ला कोरोना मुक्त बन्दा बुधबार थप एक जिल्ला पनि थपिएको छ ।

मन्त्रालयका अनुसार मंगलबार प्रदेश १का धनकुटा, भोजपुर र सोलुखुम्बु र कर्णाली प्रदेशको हुम्ला कोरोना मुक्त बनेका थिए ।

यसैगरी बुधबार थप एक हिमाली जिल्ला मुस्ताङ पनि थपिएको छ । योसंगै कोरोना मुक्त जिल्लाको संख्या ५ पुगेको छ ।

प्रतिक्रिया दिनुहोस्

LIVE TV