८ असार २०७७, सोमबार

काठमाडौं, ८ असार । विदेशमा रहेका नेपालीहरु फर्कने क्रममा आज मध्यपूर्व (खाडी) का दुई मुलुकबाट ३ सय १० जना स्वदेश आइपुगेका छन् । जसमा ३ नेपाली कामदारको शव समेत आएको छ ।

बहराइनबाट नेपाल एयरलाइन्सको आरएनए २३७६ विमानमार्फत १ सय ५० जना नेपाली कामदार स्वदेश फर्किएका हुन् भने कुवेतबाट जजिरा एयरलाइन्समार्फत १ सय ६० जना नेपाली स्वदेश आइपुगेका छन् ।

कुवेतबाट आएका सबै १ सय ६० यात्रु महिला मात्र रहेका छन् । बहराइनबाट ३ नेपाली कामदारको शव पनि काठमाडौं आइपुगेको त्रिभुवन अन्तर्राष्ट्रिय विमानस्थल प्रशासनले न्यूज २४ लाई जानकारी दिएको छ ।

आज स्वदेश फर्किएकाहरुलाई आवश्यक प्रक्रिया पूरा गरेर मात्र सम्बन्धित गृहजिल्ला पठाइने भएको छ । उनीहरुलाई विभानस्थलबाट काठमाडौँको विभिन्न स्थानमा बनाइएको होल्डिङ सेन्टरमा लगिनेछ ।  बहराइनबाट आएका ३ जनाको शव भने विमानस्थलमा नै आफन्तलाई बुझाइएको छ ।

तस्बीर : महेश्वर केसी /न्यूज २४

प्रतिक्रिया दिनुहोस्

LIVE TV