रुकुम घटना : मृतकका परिवारलाई एक लाख राहत उपलब्ध गराइने

• मनिराज पाण्डे,

कालिकोट, ०३ असार । रुकुम घटनामा ज्यान गुमाएकाहरुको परिवारलाई कर्णाली प्रदेश सरकारले एक/एक लाख रुपैयाँ राहत दिने भएको छ ।

रुकुम घटनामा ज्यान गुमाएका जाजरकोटका ६ जनाको परिवारलाई एक लाखका दरले राहत उपलब्ध गराउने आर्थिक मामिला तथा योजना मन्त्री प्रकाश ज्वालाले बताउनु भयो ।

मृतकका परिवारलाई राहत दिने निर्णय मन्त्रिपरिषदको बैठकले गरेको हो । यस निर्णयले परिवारको पीडामा कम गर्ने अपेक्षा लिइएको छ । रुकुम पश्चिमको चौरजहारी नगरपालिका–८ सोतीमा भएको घटनामा जाजरकोटका ६ जनाको ज्यान गएको थियो ।

भेरी नगरपालिका जाजरकोटका नवराज विक, सन्दिप विक, गणेश विक, टीकाराम सुनार, गोविन्द शाही र लोकेन्द्र सुनारले ज्यान गुमाएका थिए ।