१७ बैशाख २०७७, बुधबार

नयाँदिल्ली, १७ वैशाख । छिमेकी राष्ट्र भारतमा कोरोनाभाइरसबाट ३१ हजार ३३२ जना संक्रमित भइसकेको स्वास्थ्य तथा परिवार कल्याण मन्त्रालयले बुधबार जनाएको छ ।

पछिल्लो पटक कोरोना संक्रमित ७३ जनाको ज्यान गएको जानकारी गराइएको छ । यो सहित भारतमा कोरोना संक्रमितमध्ये एक हजार ७ जनाको ज्यान गइसकेको छ ।

भारतमा देखिएका कोरोना पीडितमध्ये ७ हजार ६९५ जना निको भएर घर फर्किएका छन् भने हाल २२ हजार ६२९ जना उपचारका क्रममा छन् ।

मन्त्रालयका अनुसार भारतको महाराष्ट्र राज्यमा कोविड–१९ बाट सर्वाधिक ९ हजार ३१८ जना संक्रमित भएका छन् जसमध्ये १ हजार ३८८ जना निको भएका छन् । महाराष्ट्रमा मात्र ४०० जनाको ज्यान गएको छ ।

दोस्रो बढी संक्रमित भेटिएको गुजरातमा तीन हजार ७४४ जनामा संक्रमण देखिएको छ । यहाँ १८१ जनाको ज्यान गएको छ । दिल्लीमा भने तीन हजार ३१४ जना संक्रमित भएकामा ५४ जनाको ज्यान गएको छ ।

मध्य प्रदेशमा दुई हजार ३८७ जना, गोवामा ७ जना, अरुणाचलमा १ जना, मणिपुरमा २ जना, त्रिपुरामा २ जनामा कोरोना संक्रमण देखिएको छ ।

प्रतिक्रिया दिनुहोस्
LIVE TV