१७ माघ २०७६, शुक्रबार

हेटौंडा, १७ माघ । हेटौँडा-नारायगढ सडकखण्ड अन्तर्गत हेटौँडा उपमहानगरपालिका–११ थानाभयाङमा शुक्रबार भएको सवारी दुर्घटनामा परी एक जनाको ज्यान गएको छ ।

ज्यान गुमाउनेमा हेटौँडा-३ बस्ने ३५ वर्षीय सागर पाख्रिन रहेको जिल्ला प्रहरी कार्यालय मकवानपुरले जनाएको छ ।

हेटौँडा बजारबाट स्थानीय नवलपुरतर्क जाँदै गरेको ना १ क ७००६ नं को सनसाइन इङ्लिस बोर्डिङ स्कुलको बसले विपरित दिशाबाट आउँदै गरेको ना १ ह ६२९१ नं को अटोलाई ठक्कर दिँदा गम्भीर घाइते भएका पाख्रिनको चुरेहिल अस्पतालमा उपचारका क्रममा ज्यान गएको प्रहरी नायब उपरीक्षक टीकाबहाुदर कार्कीले जानकारी दिए ।

उनका अनुसार, सो दुर्घटनामा परी अटो चालक बैतडी घर भई हाल हेटौँडा– ११ मा डेरा गरी बस्ने ३७ वर्षीय जयबहादुर महरा र मृतक पाख्रिनका छोरा १४ वर्षीय मनोज पाख्रिन घाइते भएका छन् ।

उनीहरुको चुरेहिल अस्पतालमा उपचार भइरहेको उपरीक्षक कार्कीले बताए । शव परीक्षणका लागि हेटौंँडा अस्पतालमा पठाइएको छ ।

LIVE TV